मुख्यमंत्री पुष्कर सिंह धामी यांनी आज कार्बेट नॅशनल पार्कमध्ये जंगल सफारीचा आनंद घेतला. यावेळी त्यांनी वन्यजीवांच्या जीवनाचा साहसी अनुभव घेतला. यावेळी त्यांनी सांगितले की, हा अनुभव केवळ प्राकृतिक सुंदरता पाहण्याचा नाही तर जैव विविधतेसोबत जोडून राहण्याचीही महत्त्वाची संधी आहे, असेही त्यांनी सांगितले.
मुख्यमंत्र्यांनी सांगितले की, राज्य सरकारच्या सातत्यपूर्ण प्रयत्नांमुळे जंगल सफारी पर्यटनाला आज एक नवी ओळख मिळाली आहे. देश-विदेशातून मोठ्या प्रमाणावर पर्यटक उत्तराखंडमध्ये येत आहेत. ज्यामुळे राज्याच्या पर्यटनाधारित अर्थव्यवस्थेला बळकटी मिळाली आहे. यासोबतच स्थानिक लोकांसाठी स्वयंरोजगार आणि उपजीविकेच्या नवीन संधीही निर्माण झाल्या आहेत.
एक झाड आईसाठी
या प्रसंगी ‘एक झाड आईसाठी’ या मोहिमेअंतर्गत वन विभाग, स्थानिक समुदाय आणि पर्यावरणप्रेमी यांच्या सहकार्याने 1000 हून अधिक रोपांची सामूहिक लागवड करण्यात आली. मुख्यमंत्री म्हणाले की, ही केवळ एक वृक्षारोपण मोहीम नसून मातृत्व आणि निसर्गाबद्दलच्या प्रेम आणि सन्मानाचे भावनिक प्रतीक आहे.
मुख्यमंत्र्यांनी वन विभागाच्या टीमचीही भेट घेतली आणि त्यांनी वन आणि वन्यजीवांच्या सुरक्षेसाठी केलेल्या कार्यांचे कौतुक केले. त्यांनी सांगितले की विभागाची निष्ठा आणि समर्पण राज्याच्या हरित संपत्ती आणि जैवविविधतेच्या संवर्धनासाठी अत्यंत महत्त्वाची आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.