नवी दिल्ली : भारताचे उपराष्ट्रपती व्यंकय्या नायडू यांना कोरोनाची लागण झाली आहे. याबाबत उपराष्ट्रपती सचिवालयाने आज रविवारी (ता.२३) माहिती दिली आहे. सचिवालयाच्या ट्विटमध्ये म्हटले आहे, की उपराष्ट्रपती व्यंकय्या नायडू (Vice President Venkaiah Naidu) हे हैदराबादेत असून त्यांची कोरोना (Corona) चाचणी आज सकारात्मक (पाॅझिटिव्ह) आली आहे. एक आठवडाभर ते स्वविलगीकरणात राहणार आहेत. उपराष्ट्रपती यांनी त्यांच्या संपर्कात आलेल्यांना स्वतःला विलग करुन कोरोना चाचणी करावी, असा सल्ला दिला आहे.(Vice President Venkaiah Naidu Tested Covid Positive)

सध्या देशात कोरोना रुग्णांची संख्या दिवसेंदिवस वाढत चालली आहे. ओमिक्राॅन या कोरोनाच्या नवीन व्हेरिएंटची रुग्णसंख्या दहा हजाराच्या वर गेली आहे. खासदार सुप्रिया सुळे, भाजप नेत्या पंकजा मुंडे, महसूल मंत्री बाळासाहेब थोरात, केंद्रीय मंत्री रावसाहेब दानवे, आमदार रोहित पवार, धीरज देशमुख, रत्नाकर गुट्टे, रासपचे अध्यक्ष महादेव जानकर यांच्यासह अनेकांना कोरोना होऊन गेला आहे.