नवी दिल्ली : केंद्र सरकारनं आज नागरिकत्व सुधारणा कायदा अर्थात सीएएचं नोटिफिकेशन काढून हा कायदा देशभरात लागू केला. पण यामुळं पाकिस्तानातून आपल्या चार मुलांसह भारतात दाखल झालेली सीमा हैदरला सर्वाधिक आनंद झाला आहे.

मोदींच्या या निर्णयासाठी तिनं जल्लोष केला असून मिठाईचं देखील वाटप केलं आहे. यामध्ये तिच्यासोबत तिचा पती सचिन मीना देखील होता. याचा व्हिडिओ सोशल मीडियावर व्हायरल झाला आहे. (Video CAA is implemented in india Seema Haider distributed sweets admiring of Modi Yogi)

व्हिडिओमध्ये सीमा हैदर आणि सचिन मीना आपल्या चार मुलांसह मोदींचं या निर्णयासाठी आभार मानताना दिसत आहेत. नोयडा इथल्या आपल्या घरी कुटुंबासह तिनं आनंदोत्सव साजरा केला. तिनं म्हटलं की, आम्ही खूपच आनंदी आहोत. भारत सरकारला आम्ही धन्यवाद देतो. पंतप्रधान मोदींनी जे वचन दिलं होतं ते करुन दाखवलं आहे. (Marathi Tajya Batmya)

यामुळं आता आमच्या नागरिकेच्या अडचणीही लवकरच सुटतील. यावेळी तिनं मोदींच्या आणि योगींच्या नावे घोषणाबाजीही केली. तसेच या आनंदाच्या क्षणी आम्ही रसगुल्ले वाटत आहोत. तसेच फटाके देखील फोडणार आहोत, असंही सीमा हैदरनं म्हटलं आहे.