पंतप्रधान नरेंद्र मोदी यांच्यावर अनेकदा टीका होत असते. तर अनेकदा कौतुकही केलं जातं. मात्र पंतप्रधान मोदींचं कौतुक करतानाचा एका शेतकऱ्याचा एक अनोखा व्हिडीओ समोर आला आहे.

हा व्हिडीओ सध्या सोशल मीडियावर जोरदार व्हायरल होत आहे. हा व्हिडीओ एका वृद्ध शेतकऱ्याचा आहे. या व्हिडीओवर सोशल मीडियातून कमेंट्सचा वर्षाव होत आहे. या व्हिडीओमधला वृद्ध शेतकऱी मोदींच्या फोटोवर हात फिरवताना आणि किस करताना दिसत आहे.

या शेतकऱ्याने मोदींच्या फोटोशी कन्नड भाषेतून संवादही साधला आहे. "आधी मला १००० रुपये मिळत होते. तुम्ही आणखी ५०० देण्याचं ठरवलं होतं. तुम्ही सांगितलं होतं की तुम्हाला आमची घरं हिरवीगार हवी आहेत. तुम्ही आमच्या आरोग्यासाठी ५ लाख रुपये देऊ असं सांगितलं होतं. मी तुमच्या चरणी नतमस्तक होत आहे. तुम्ही नक्की विजयी व्हाल."

हा व्हिडीओ सध्या सोशल मीडियावर चांगलाच व्हायरल होत आहे. यावर सोशल मीडिया युजर्सने कमेंट्सही केल्या आहेत. मोदीजी जनतेच्या मनात आहे, हेच सत्य आहे, कोट्यवधी जनतेचा आशीर्वाद मोदींच्या पाठीशी आहे, अशा कमेंट्स नेटकऱ्यांनी केल्या आहेत.