नवी दिल्ली : पोलीस भरती घोटाळ्याचा जाब विचारण्यासाठी आलेल्या पीडिताला पोलीस उपाधीक्षकांनी कानाखाली मारल्याची घटना समोर आली आहे. याचा व्हिडिओ व्हायरल झाला असून यामुळं संबंधित पोलीस अधिकाऱ्यावर नाराजी व्यक्त करण्यात येत आहे. (Viral Video Police recruitment scam Deputy Superintendent of Police slams a victim)

कर्नाटकातील हा प्रकार असून इथल्या पोलीस उपनिरिक्षक अर्थात पीएसआय भरती प्रक्रियेत घोटाळा झाला आहे. या भरतीतील उमेदवारांनी गृहमंत्री अरगा ज्ञानेंद्र यांची भेट घेऊन आपल्याला या प्रकारामुळं किती त्रास झाला आणि अडचणींचा सामना करावा लागला याची माहिती दिली.

पण थेट गृहमंत्र्यांकडे या उमेदवारांनी तक्रार केल्यामुळं भडकलेल्या तुमाकुरुचे पोलीस उपाध्यक्ष पी. श्रीनिवासन यांनी एका उमेदवाराच्या कानशिलात लगावली. समोर अनेक उमेदवार उभे असताना त्यांना समजावण्याऐवजी त्यांनी तिथून निघून जावं यासाठी पोलिसांचा प्रयत्न सुरु होता.