नवी दिल्ली : पेरू या देशातील भारताचे राजदूत म्हणून विश्‍वास विदू सपकाळ यांची निवड करण्यात आली आहे. ते सध्या परराष्ट्र मंत्रालयात सहसचिव आहेत. त्यांची ही नियुक्ती परराष्ट्र मंत्रालयाने केली आहे.

विश्‍वास विदू सपकाळ हे 1998 च्या बॅचचे IFS अधिकारी आहेत. त्यांच्या नियुक्तीची माहीती परराष्ट्र मंत्रालयाने दिली आहे.

(Vishvas Vidu Sapkal Appointed as Next Ambassador of India to the Republic of Peru)

याअगोदर पेरूमध्ये भारतीय राजदूत म्हणून मंदारापू सुब्बारायूडू यांनी काम केलं आहे. ते १९९४ च्या बॅचचे IFS अधिकारी आहेत. भारतीय परराष्ट्र सेवेत रूजू होण्याच्या आधी ते सार्वजनिक क्षेत्रात अभियंता म्हणून आणि भारतातील एका प्रमुख तांत्रिक विद्यापीठात व्याख्याता म्हणून काम केले.

त्यांनी दिल्लीतील परराष्ट्र व्यवहार मंत्रालय येथे मध्य युरोप विभागात उपसचिव आणि विकास भागीदारी प्रशासनाचे प्रभारी सहसचिव म्हणून काम केले आहे. जकार्ता, वॉर्सा, रोम आणि ढाका येथील भारताच्या राजनैतिक मिशनमध्येही त्यांनी काम केलं आहे. त्याचबरोबर त्यांनी राजकीय, आर्थिक, व्यावसायिक आणि सांस्कृतिक आणि माहिती अशा कार्यालयातही काम केलं आहे.

भारत आणि पेरूमधील द्विपक्षीय संबंध, व्यापार आणि वाणिज्य, पारंपारिक औषध प्रणाली, संरक्षण, ऊर्जा, औषधनिर्माण, संस्कृती इत्यादी क्षेत्रांमध्ये वाढत असून त्यामध्ये आता वाढ होईल असं परराष्ट्र मंत्रालयाकडून सांगण्यात येत आहे.