जम्मू - जिल्हा विकास परिषद (डीडीसी)च्या चौथ्या टप्प्यासाठी आज सकाळी मतदान सुरू झाले. दुपारपर्यंत सरासरी ४१.९६ टक्के मतदानाची नोंद झाली. सकाळी सात वाजता मतदानाची प्रक्रिया सुरू झाली असली तरी सध्या थंडी पडत असल्याने नागरिक उशिरा घराबाहेर पडले. दरम्यान, चौथ्या टप्प्यात सरासरी ५० टक्के मतदानाची नोंद झाली आहे.

जगभरातील इतर बातम्या वाचण्यासाठी येथे क्लिक करा

निवडणूक आयुक्तांनी दिलेल्या माहितीनुसार दुपारपर्यंत काश्‍मीर विभागात कुपवाडा येथे २८.७७, बांदिपोरा येथे ४४.८२, बारामुल्ला येथे ३७.४०, गंदरबल येथे ४३.४५, बडगाम येते ३६.३६, पुलवामा येथे ५.६६, शोपियॉं येथे १.७६, कुलगाम येथे ६.५९ आणि अनंतनाग येथे २३.६३ टक्के मतदानाची नोंद झाली. त्याचवेळी जम्मू विभागात किश्‍तवाड येथे ५९.२९, डोडा येथे ६७.८६, उधमपूर येथे ४८.२४, रामबन येथे ६१.५०, रियासी येथे ४९.३०, कथुआ येथे ५४.२३, सांबा येथे ५९.६४, जम्मू येथे ६२.७१, राजौरी येथे ६५.४९ आणि पूंच येथे ५९.१५ टक्के मतदानाची नोंद झाली आहे. एकंदरित काश्‍मीर विभागात सरासरी २५.५४ टक्के तर जम्मू विभागात ५९.३८ टक्के मतदान झाले आहे. 

देशभरातील इतर बातम्या वाचण्यासाठी येथे क्लिक करा