नवी दिल्ली- बुरखा घातलेला नसताना पोलिसांनी पोलीस स्टेशनमध्ये नेलं असं म्हणत एका मुस्लीम महिलेने दिल्ली हायकोर्टात धाव घेतली होती. महिलेच्या तक्रारीप्रकरणी हायकोर्टाने महत्त्वाची टिप्पणी केली आहे. कोर्टाने याप्रकरणी दिल्ली पोलिसांना कोणतेही निर्देश न देण्याचा निर्णय घेतला आहे. (was taken to the police station without a burqa Muslim woman complained delhi High Court comment)

एका मुस्लीम महिलेने तिला बुरख्याशिवाय पोलीस स्टेशनमध्ये नेण्यात आल्याचा आरोप केला आहे. तसेच पोलीस स्टेशनमध्ये तिची परेड काढण्यात आल्याचंही महिला म्हणाली आहे. याप्रकरणी न्यायमूर्ती स्वर्ण कांत शर्मा यांनी पोलिसांना कोणतेही निर्देश न देण्याचा निर्णय घेतलाय. पोलिसांनी अधिक संवेदशील व्हावं यासाठी कोर्टात याचिका दाखल करण्यात आली होती.

हायकोर्ट काय म्हणालं?

बार अँड बँचच्या रिपोर्टनुसार, याचिकाकर्ता महिलेने मागणी केली होती की, ज्या महिला धार्मिक प्रथा आणि स्वत:च्या आवडीनुसार बुरखा किंवा तत्सम पर्दा करतात. त्यांच्याप्रति पोलिसांना संवेदनशील केलं जावं. हायकोर्टाने यावर महत्त्वाची टिप्पणी केली. कोर्ट म्हणालं की, पोलीस तपासामध्ये गोपनीयतेला काहीही स्थान नाही. सुरक्षा आणि न्याय मिळवून देण्यासाठी व्यक्तीची ओळख महत्त्वाची आहे.

न्यायमूर्तींनी पुढे म्हटलं की, धार्मिक प्रथा किंवा व्यक्तिगत आवड असे कारण पुढे करुन गोपनीयतेला स्थान दिल्यास त्याचा चुकीचा फायदा घेतला जाऊ शकतो. यामुळे पोलिसांच्या तपासामध्ये अडथळा निर्माण होऊ शकतो. दिल्ली हायकोर्टाने महिलेची याचिका फेटाळून लावली आहे.

नेमकं काय प्रकरण?

रेशमाच्या तीन भावांनी दोन व्यक्तींना मारहाण केल्याचा आरोप आहे. याप्रकरणी माहिती मिळाल्यानंतर पोलिसांनी रेशमाला पोलीस स्टेशनमध्ये नेलं होतं. पोलिसांच्या दाव्यानुसार, मारहाणीच्या घटनेदरम्यान रेशमा बाल्कनीतून सर्व काही पाहत होती. त्यावेळी तिने तोंड झाकले नव्हते. पोलिसांचा असाही दावा आहे की, स्वत: रेशमाने पोलीस स्टेशनमध्ये नेण्याची मागणी केली होती. कारण, दिला प्रतिहल्ल्याची भीती होती.

रेशमाच्या वकिलांनी कोर्टात दावा केला की, पोलिसांनी बळजबरीने रेशमाला चांदनी महल पोलीस स्टेशनमध्ये नेलं. रेशमा ही पर्दा करणारी महिला आहे हे पोलिसांना माहिती होतं. तरी देखील दिला पर्दा करण्यास वेळ देण्यात आला नाही. (Latest Marathi News)