कोलकाता : पश्चिम बंगालमध्ये (West Bengal) नियोजन आयोगाची (Planning Commission) स्थापना करण्यात येणार असल्याची घोषणा मुख्यमंत्री ममता बॅनर्जी (Mamata Banerjee) यांनी केली आहे. मोदी सरकारनं नियोजन आयोग बरखास्त करुन नीती आयोगाची स्थापना केली असली तरी आम्ही तो बंगालमध्ये स्थापण्याची तयारी सुरु केली असल्यांचही त्यांनी म्हटलं आहे. नेताजी सुभाषचंद्र बोस (Netaji Subhash Chandra Bose) यांच्या १२५ व्या जयंती निमित्त आयोजित कार्यक्रमात त्यांनी ही घोषणा केली. (We are bringing Planning Commission in Bengal says West Bengal CM Mamata Banerjee)

या कार्यक्रमात ममतांनी भाजपवर चौफेर टीका केली. त्या म्हणाल्या, "तुम्हाला पश्चिम बंगालची अॅलर्जी का आहे? आधी २६ जानेवारीच्या आमच्या चित्ररथाला परवानगी नाकारली. आता नेताजींचा पुतळा बसवण्याचा निर्णय फक्त आमच्या दबावामुळे घेण्यात आला. पण, पुतळा बसवला म्हणून जबाबदारी संपत नाही"

आजपर्यंत तुम्हाला नेताजींचा ठावठिकाणी माहिती नाही. आम्ही सत्तेवर आल्यावर ते काम करू असं केंद्र सरकारने सांगितलं होतं. पण, प्रत्यक्षात तसं काहीही घडलं नाही. खरंतर पश्चिम बंगाल सरकारने सुभाषचंद्र बोस यांच्यावरील सर्व फायली उघड केल्या आहेत. बंगाल नसता तर देशाला स्वातंत्र्य मिळाले नसते. मला बंगाली असण्याचा अभिमान वाटतो, असंही ममता यावेळी म्हणाल्या.