अहमदाबाद : दक्षिण गुजरात आणि सौराष्ट्रामध्ये पावसाची संततधार कायम असून आज सकाळी सहा वाजेपर्यंत गेल्या २४ तासांत सहा तालुक्यांत २०० मि.मी.हून अधिक पावसाची नोंद झाली. हवामान खात्याने येत्या २४ तासांत दक्षिण गुजरात व सौराष्ट्रमध्ये अतिमुसळधार पावसाचा इशारा दिला आहे. गुजरातेत मॉन्सून अजूनही चांगलाच सक्रिय असून शुक्रवारी गुजरातेतील वलसाड आणि नवसारी जिल्ह्यांत आणि सौराष्ट्र विभागातील गीर सोमनाथ जिल्ह्यात मोठ्या पावसाची नोंद झाली. चिखली(जि.नवसारी)२४४ मि.मी., सूत्रपदा (जि. गीर सोमनाथ)२४० मि.मी, गांदेवी (जि.नवसारी) २३१ मि.मी. आदी तालुक्यांत २०० मि.मी.पेक्षा अधिक पाऊस पडला.
आंध्रात पूरस्थिती गंभीर
आंध्र प्रदेशात गोदावरी नदीतून शुक्रवारी सकाळपर्यंत सुमारे १९ लाख क्युसेक पाण्याचा विसर्ग करण्यात आल्याने नदीच्या किनाऱ्यावरील शेकडो गावांत आत्तापर्यंतची सर्वांत भीषण पूरस्थिती निर्माण झाली आहे.
ओडिशात पावसाची तूट दूर
यंदाच्या पावसाळ्यात कमी पावसाचा सामना करणाऱ्या ओडिशावर वरुणराजाने अखेर चांगलीच बरसात केली आहे. राज्याच्या किनाऱ्याजवळ निर्माण झालेल्या कमी दाबाच्या पट्ट्यामुळे जोरदार पडला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.