Weather Update Today: राज्यासह देशभरात मागील काही दिवसांपासून थंडीचा जोर वाढताना दिसत आहे. राजधानी दिल्लीत कडाक्याची थंडी सुरू झाली आहे. हवामान खात्याने दिलेल्या माहितीनुसार, पुढील २४ तासांत दक्षिणेकडील तमिळनाडू आणि केरळमध्ये पावसाची शक्यता आहे. याशिवाय लडाख, हिमाचल प्रदेश आणि मुझफ्फराबादमध्येही हलक्या पावसाची शक्यता वर्तवण्यात आला आहे. तसेच, आज म्हणजेच रविवारी (१७ डिसेंबर) हिमाचल प्रदेशातील अनेक भागात बर्फवृष्टी होण्याची शक्यता आहे.

हवामान खात्यानुसार, रविवारी (१६ डिसेंबर) दिल्लीत कमाल तापमान २५ अंश, तर किमान तापमान ७ अंश राहण्याचा अंदाज आहे. हवामान विभागाने देलेल्या माहितीनुसार, २१ डिसेंबरपर्यंत किमान तापमान ५ अंश आणि कमाल तापमान २३ अंश असू शकते. यासोबतच येत्या काही दिवसांत दिल्ली-एनसीआरमध्ये सकाळी हलके धुके पडण्याची शक्यता आहे.

हवामान विभागाच्या म्हणण्यानुसार, पंजाब, हरियाणा-चंडीगढ-दिल्ली, उत्तर प्रदेशच्या काही भागात गेल्या २४ तासांत किमान तापमान ४-८ °C आणि उत्तर राजस्थानच्या अनेक भागात ८-११ C नोंदवले गेले. याशिवाय दक्षिणेकडील तामिळनाडू राज्यात पावसाचा ऑरेंज अलर्ट जारी करण्यात आला आहे. १७ डिसेंबर रोजी राज्यात तुरळक ठिकाणी मुसळधार ते अतिवृष्टीची शक्यता आहे. दरम्यान पावसाळ्यात हवामानाशी संबंधित खबरदारी घ्या असा आवाहन हवामान विभागाने केला आहे.