तुझ्यावर खूप प्रेम करतोय आता तू पाहाच...
इंदोर (मध्य प्रदेश): प्रियकराने प्रेयसीला व्हिडिओ कॉल करत तुझ्यावर खूप प्रेम करतोय, आता तू पाहाच... असे म्हणाला आणि गळफास घेऊन आत्महत्या केल्याची घटना घडली. यामुळे परिसरात खळबळ उडाली आहे.
सरफराज असे आत्महत्या केलेल्या युवकाचे नाव आहे. शहरातील राम नगर परिसरामध्ये तो मित्रांसोबत राहात होता. एका कंपनीमध्ये तो वेब डिजायनर म्हणून काम करत होता. युवतीसोबत त्याचे आठ वर्षांपासून प्रेमसंबंध होते. प्रेमप्रकरणातून त्याने आत्महत्या केल्याची माहिती पुढे आली आहे. घटनास्थळी आत्महत्येपूर्वी कोणतीही चिठ्ठी आढळून आलेली नाही. पोलिसांनी त्याचा मोबाईल जप्त केला असून, पुढील तपास करत आहेत.
सरफराजच्या मित्रांनी सांगितले की, सरफराज एका युवतीवर खूप प्रेम करत होता. दोघांचे आठ वर्षांपासून प्रेमसंबंध होते. दोघांनी एक सारखे टॅटू काढले होते. परंतु, युवतीने टॅटू काढून टाकल्यामुळे तो नाराज झाला होता. मैत्रिणीवर असलेल्या प्रेमाबद्दल सतत बोलून दाखवत होता. नैराष्यात गेल्यानंतर त्याने मैत्रिणीला व्हिडिओ कॉल केला आणि प्रेमाबद्दल बोलून गळफास घेऊन आत्महत्या केली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.