सध्या सोशल मीडियावर (Social Media) अनोख्या सहीचा फोटो व्हायरल होत आहे. हे पाहून लोक आश्चर्यचकित झाले असून कमेंट्समध्ये त्यांच्या प्रतिक्रिया दिल्या जात आहेत. डॉक्टरांची अनोखी सही सोशल मीडियावर व्हायरल (Viral)होत आहे. जे या सहीचे फोटो पाहून लोक म्हणाले- 'कॉपी करणं अशक्य'

जगात प्रत्येकाची सही (Signature) वेगळी असते. त्यासाठी लोक प्रयत्न करतात की, त्यांच्या सहीची कॉपी कुणीही करू नये. लहान मुलं शाळेत असल्यापासूनच आपली सही युनिक करण्यासाठी सराव करतात. त्यामुळेच शाळेच्या वहीची मागची पानं असंख्य सह्यांनी भरलेली असतात, पण सध्या व्हायरल झालेल्या अनोख्या सहीचा फोटो समोर आलंय. जे पाहिल्यानंतर अनेकजण आश्चर्च झालेले आहेत. ही आश्चर्यकारक सही सोशल मीडियावर व्हायरल होत आहे.

व्हायरल होत असलेला फोटो पाहून असं वाटतं की कुणीतरी मोर बनवला आहे, पण नीट निरखून पाहिलं तर त्याखाली सील-शिक्का दिसेल. ही स्वाक्षरी गुवाहाटी वैद्यकीय महाविद्यालय व रुग्णालयाच्या एका अधिकाऱ्याची असल्याचे सांगितले जात आहे. इतकंच नाही तर काही जण या सहीची खिल्ली उडवत मजेशीर मिम्सही बनवत आहेत.

या सहीचा फोटो भारतीय पोलीस सेवेतील अधिकारी रुपिन शर्मा यांनीही शेअर केला आहे. हे अनोखं चित्र पाहिल्यानंतर लोक कमेंटच्या माध्यमातून आपल्या प्रतिक्रिया देत आहेत.

एका व्यक्तीने या फोटोवर प्रतिक्रिया दिली आणि लिहिले की, असे दिसते की अधिकारी त्यांचे पेन व्यवस्थित काम करत आहेत की नाही हे तपासत आहेत. आणखी एका युझरने लिहिले,'डॉक्टर साहेबांनी त्याचा एक्स-रेही काढला आहे.' या सहीवर तुमचे काय मत आहे.