कोलकता - ममता बॅनर्जी यांना राज्याच्या विकासात रस नसून त्या गुंड, खंडणीखोरांना प्रोत्साहन देत आहेत, असा आरोप उत्तर प्रदेशचे मुख्यमंत्री योगी आदित्यनाथ यांनी केला. तृणमूल सरकारची उलटगणती सुरू झाली आहे. राज्यात भाजप सरकार स्थापन करणार असून ३५ दिवसांनंतर विकासाच्या नवीन युगाची सुरुवात होईल, असे प्रतिपादनही त्यांनी केले.
पश्चिम बंगालमधील २४ परगणा जिल्ह्यातील सागर या मतदारसंघातील सभेत ते बोलत होते. आदित्यनाथ म्हणाले, की एकेकाळी पश्चिम बंगाल प्रगत राज्य होते. मात्र, काँग्रेस, डावी आघाडी आणि तृणमूल काँग्रेसमुळे राज्याची औद्योगिक वाढ खुंटली आणि भ्रष्टाचार वाढला. तृणमूलने केंद्रीय निधीचा अपहार केला. राज्याला धडकलेल्या अम्फान चक्रीवादळानंतर दिलेल्या केंद्रीय निधीबाबतही हेच घडले. पंतप्रधान नरेंद्र मोदी यांनी अम्फान चक्रीवादळातून सावरण्यासाठी पश्चिम बंगालला एक हजार कोटींची मदत दिली होती. मात्र, हा निधी लोकांपर्यंत पोचलाच नाही.
- पुण्याच्या बातम्या वाचण्यासाठी येथे ► क्लिक करा
उत्तर प्रदेशमधील जनतेला पीएम आवास योजना, उज्ज्वला योजना, आयुषमान भारत आणि किसान सम्मान निधीसारख्या केंद्रीय योजनांचा फायदा मिळत आहे. मग बंगालमधील जनतेला केंद्राच्या योजनांपासून वंचित का ठेवले जाते? यातून तृणमूलला पश्चिम बंगालच्या विकासाशी देणेघेणे नसल्याचे सिद्ध होते.
- योगी आदित्यनाथ, मुख्यमंत्री, उत्तर प्रदेश
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.