पश्चिम बंगाल येथील पंचायत निवडणूकीचे निकाल समोर येत आहेत. राज्यात सत्तारुढ तृणमूल काँग्रेस या निवडणुकीत आघाडीवर आहे. या निवडणूकीत टीएमसी आणि भाजप या दोन पक्षात सामना पाहयला मिळाला. यादोन्ही पक्षांमध्ये टीएमसी खूप मोठ्या फरकाने आघाडीवर असली तरी भाजपची यावेळच्या निवडणुकीत कामगिरी उंचावली असल्याचे दिसून येत आहे.

भाजपने २०१८ साली ५७७९ जागांवर रेकॉर्ड मोडत आतापर्यंत ८२०० हून अधिक जागांवर विजय मिळवला आहे. अद्याप २५ टक्के जागांचे निकाल येणे बाकी आहे.

आतापर्यंत हाती आलेल्या निकालानुसार पंचायत निवडणुकीत तृणमूल काँग्रेसने वर्चस्व कायम ठेवलं आहे. दोन वर्षांपूर्वी तृणमूलने विधानसभा निवडणुकीत सलग तिऱ्यांदा विजय मिळवला होता. राज्य निवडणूक आयोगाने मंगळवारी रात्री ११.३० वाजता जाहीर केलेल्या निकालानुसार पश्चिम बंगालमधील त्रिस्तरीय पंचायत निवडणूकीत त्यांचा विरोधकांना मागे टाकले आहे.

टीएमसीने ३०,३९१ जागा जिंकल्या आगेत तर ते १,७६७ जागांवर आघाडीवर आहेतय तर दुसऱ्या क्रमांकावर असलेल्या भाजपने ८,२३९ जागांवर विजय मिळवला आहे तर ४४७ जागांवर आघाडी घेतली आहे. राज्यात एकूण ६३,२९९ ग्राम पंचायत जागांसाठी मतदान झालं आहे.

समोर आलेल्या निकालांनुसार मार्क्सवादी कम्युनिस्ट पार्टी(माकपा)ने २,५३४ जागांवर विडय मिळवला आहे. काँग्रेसने २,१५८ जागांवर विजय मिळवला तर १५१ इतर जागांवर पक्षाचे उमेदवार अघाडीवर आहेत.

तर सत्तारुढ तृणमूल काँग्रेस २,६१२ पंचायत समिती जागांवर विजयी झाली आहे आणि इतर ६२७ जागांवर आघाडीवर आहेत. भाजपने आतापर्यंत पंचायत समितीच्या २७५ जागा जिंकल्या आहेत तर १४९ जागांवर आघाडी घेतली आहे. तर माकप ६३ जागांवर विजय आणि ५३ जागांवर आघाडी तर काँग्रेसने ५० जागा जिंकल्या आहेत. राज्यात ९,७२८ पंचायत समिती जागांसाठी मतदान झाले आहे.

तृणमूल काँग्रेसने आतापर्यंत घोषित जिल्हा परिषदेच्या सर्व ८८ जागांवर विजय मिळवला आहे तर इतर १६३ जागावर आघाडी घेतली आङे. तर माकपाने चार जागा आणि काँग्रेसने दोन तर भाजपने १३ जागांवर आघाडी घेतली आहे. राज्यात एकूण ९२८ जिल्हा परिषद जागा आहेत.