कोलकता - कोंबड्यांमुळे कोरोना विषाणूची लागण होते, अशा सोशल मीडियातून होणाऱ्या अपप्रचारामुळे पश्चिम बंगालमधील पोल्ट्री उद्योग संकटात सापडला आहे.
कोरोना विषाणूच्या प्रादुर्भावावरील अपप्रचारामुळे आत्तापर्यंत पोल्ट्री उद्योगाचे ३०० कोटींपेक्षा जास्त नुकसान झाल्याचे समोर आले आहे. सुमारे दोन-तीन वर्षांपूर्वी अशाच प्रकारच्या भीतीने, कुक्कुटपालनाच्या व्यवसायावर परिणाम झाला होता. तीन वर्षांपूर्वी बर्ड फ्लूमुळे पोल्ट्री उद्योगाचे नुकसान झाले होते. त्या वेळी बर्ड फ्लूच्या प्रसारासाठी कोंबड्यांना जबाबदार मानले जात असल्याने अनेकांनी आपल्या खुराड्यातील कोंबड्यांना मारून टाकले होते. तर, त्यामुळे चिकनविक्रीवरही परिणाम झाला होता.
दरम्यान, चीनमधून आयात केल्या जाणाऱ्या लसूण उद्योगावरही परिणाम झाला असल्याचे व्यापाऱ्यांनी सांगितले. हा परिणाम कोरोनामुळे न होता इतर कारणांनी झाला असल्याचे व्यापाऱ्यांनी सांगितले आहे. येथील अन्नतज्ज्ञांनी सांगितले की, गेल्या काही काळापासून चीनमधील लसूण उत्पादक पिकावर ब्रोमाइडयुक्त कीटकनाशक फवारत असल्याने त्याची मागणी कमी होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.