नवी दिल्ली- बहुचर्चित राफेल विमानांची पहिली तुकडी बुधवारी भारतात पोहोचली आहे. जगातील सर्वाधिक शक्तीशाली मानले जाणारी राफेल विमाने भारतीय वायूदलात सामील होणार असल्याने लष्कराची ताकद मोठ्या प्रमाणात वाढणार आहे.  राफेल विमाने आपल्या मारक क्षमतेसाठी ओळखली जातात. चीनसोबत निर्माण झालेल्या वादाच्या पाश्वभूमीवर राफेलचे भारतात येणे महत्वाचे आहे. राफेल लढाऊ विमाने किती शक्तीशाली आहेत आणि यामुळे भारतीय वायूसेनेची क्षमता कशी वाढेल हे आपण पाहुया.

-राफेल लढाऊ विमान जगातील सर्वाधिक शक्तीशाली मानले जाते. राफेल शेकडो अंतरावरील लक्ष्यावर अचून निशाणा साधू शकते.

व्हिडिओ: राफेलचे खास अंदाजातील स्वागत तुम्ही पाहिलं का?

-राफेलमध्ये हवेतून हवेत आणि हवेतून जमिनीवर मारा करण्याची क्षमता आहे.  अशी क्षमता सध्या चीन किंवा पाकिस्तानकडे असणाऱ्या लढाऊ विमानांकडे नाही. त्यामुळे याबाबतीत भारत या देशांच्या फार पुढे आहे.

-राफेलवर स्थित असणारी मिसाईले विमानाला विशेष लढाऊ विमान बनवते. राफेलमध्ये मीटियॉर मिसाईल आहे. मीटियॉर हवेतून हवेत मारा करु शकते. याची मारक क्षमता 150 किलोमीटरची आहे, म्हणजे हे मिसाईल 150 किलोमीटर अंतरावर असणाऱ्या शत्रूच्या ठिकाणांना अचूक लक्ष्य करु शकते.  राफेल देशाची सीमा पार न करता शत्रूच्या विमानांना हाणून पाडू शकते. 

-राफेलमध्ये स्काल्प मिसाईलही आहे. स्काल्पची मारक क्षमता 600 किलोमीटरची आहे. त्यामुळे 600 किलोमीटर अंतरावर असणाऱ्या शत्रूचा खात्मा मीसाईल करु शकते. स्काल्प मीसाईल आपल्या अचूक मारक क्षमतेसाठी ओळखले जाते.

- हैमर तिसरी मिसाईल राफेलवर आहे. भारत विमानाची लढाऊ क्षमता वाढवण्यासाठी फ्रान्सकडून हैमर मिसाईल खरेदी करत आहे. या मिसाईलची खरेदी प्रक्रिया अजून सुरु आहे. चीनसोबत निर्माण झालेल्या वादाच्या पाश्वभूमीवर भारताने हे मिसाईल घेण्याचा निर्णय घेतला आहे.  

-हैमर मिसाईलची मारक क्षमता 60 ते 70 किलोमीटरची आहे. HAMMER (Highly Agile Modular Munition Extended Range) एक मीडियम रेंज हवेतून जमिनीवर मारा करु शकणारे मिसाईल आहे. याला फ्रान्सच्या हवाईदल आणि नौदलासाठी तयार करण्यात आले होते.

राज्यात दहावीचा निकाल लागला ९५ टक्के : यंदाही मुलींनीच मारली बाजी

दरम्यान, भारतीय वायूदलाचे एअर चीफ मार्शल आरके भदौरिया यांनी फेब्रुवारीत म्हटलं होतं की, मीटियॉर मिसाईलने युक्त असलेली राफेल लढाऊ विमाने भारताची वायू क्षमता वाढवेल, मात्र 36 राफेल विमाने भारतीय वायूसेनेची गरज पूर्ण करु शकत नाहीत. केवळ राफेल विमाने आपली गरज पूर्ण करु शकत नाहीत. आपल्याला वायू शक्ती वाढवण्यासाठी सुखोई-30 विमानांवर देशात निर्मित मिसाईल, तसेच मिग-29 लढाऊ विमानांची क्षमता वाढवणे आवश्यक आहे.

भारत कराराअंतर्गत फ्रान्सकडून एकूण 36 राफेल विमाने खरेदी करणार आहे. यातील पहिली 5 विमाने भारतातील अंबाला हवाईतळावर पोहोचली आहेत. बाकीचे विमाने प्रशिक्षणाच्या उद्धेशाने फ्रान्समध्ये ठेवण्यात आली आहेत. सर्व 36 विमाने 2020 साली भारताला देण्यात येणार आहेत.