मुंबई : उत्तर प्रदेशातील विधानसभा निवडणूक आता निर्णायक टप्प्यावर येऊन पोहोचली आहे. दरम्यान, शिवसेना देखील इथं निवडणुकीच्या मैदानात उतरली आहे. त्याचबरोबर अखिलेश यादव यांना मिळत असलेल्या पाठिंब्यामुळं उत्तर प्रदेशात नक्कीच बदल दिसून येईल, असं शिवसेनेचे खासदार संजय राऊत यांनी म्हटलं आहे. (What will picture look like after assembly elections in UP prediction by Sanjay Raut)

राऊत म्हणाले, "आदित्य ठाकरे हे उत्तर प्रदेशात प्रचारासाठी गेले होते. तिथल्या एकूण वातावरणामुळं मला वाटतं की, उत्तर प्रदेशात बदल दिसून येईल. लोकांनी त्यांची मनस्थिती निश्चित केली आहे. उत्तर प्रदेशात आम्ही जे वातावरण पाहिलं त्यावरुन असं दिसतंय की तिथं तोडीस तोड लढत होईल. अखिलेश यादवांना इथं जो पाठिंबा मिळतोय त्यावरुन उत्तर प्रदेशात बदल होताना दिसतोय"