WhatsApp Video Call News : व्हॉट्सअप मेसेजिंग App सध्या सर्वांच्याच गरजेचं बनलेलं आहे. व्हॉट्सअपने जेव्हापासून व्हीडिओ कॉलची सुविधा दिलीय तेव्हापासून तर जग आणखीनच जवळ आलंय.

तरुण-तरुणींमध्ये व्हॉट्सअप व्हीडिओ कॉलची क्रेझ असते. परंतु काही लोक याचा गैरवापर देखील करतात. लोकांना फसवण्यासाठी व्हाट्सअप व्हीडिओ कॉलचा सर्सास वापर होतांना दिसून येत आहे.

अशीच एक घटना घडलीय. ज्यामध्ये एक तरुणी व्हीडिओ कॉलवर तरुणासमोर कपडे काढत होती. मात्र तरुणाने समोर जे बघितलं त्यामुळे तो चक्क बेशुद्ध पडला. या घटनेची सध्या चवीने चर्चा केली जात आहे.

गुरुग्राममध्ये ही घटना घडली आहे. एका पीडित तरुणाला ब्लॅकमेल करण्यासाठी एक कुभांड रचण्यात आलेलं होतं. सेशन कोर्टाच्या निवृत्त न्यायाधीशांच्या २५ वर्षाच्या मुलाच्या बाबतीत हा प्रकार घडला.

सुरुवातीला व्हॉट्सअपवर एक अज्ञात नंबरवरुन कॉल आला. पीडित तरुणाने फोन उचलताच समोरुन एक तरुणी स्वतःचे कपडे काढत होती. हे बघताच तो तरुण बेशुद्ध होऊन पडला. हा सगळा प्रकार त्याच्या वडिलांसमोर घडला.

तरुणाच्या वडिलांना पोलिसात दिलेल्या तक्रारीत म्हटलं की, 'जेव्हा माझ्या मुलाने व्हीडिओ कॉल उचलला तेव्हा मी तिथेच होतो. स्क्रीनवर एक मुलगी होती आणि ती कपडे काढू लागली. माझ्या मुलाने हे बघितलं आणि तो बेशुद्ध पडला. त्यानंतर त्या तरुणीने ते फोटो त्याला पाठवून सोशल मीडियावर व्हायरल करण्याची धमकी दिली आणि ब्लॅकमेल करु लागली.' याप्रकरणी आता गुरुग्राम पोलिस कसून तपास करीत आहेत.