नवी दिल्ली- रविवारी बसपा प्रमुख मायवती यांनी त्यांचा भाचा आकाश आनंद यांची उत्तराधिकारी म्हणून निवड केली आहे. आकाश उत्तर प्रदेश आणि उत्तराखंड सोडून सर्व देशात पक्ष वाढीसाठी काम करणार आहेत. मायवती यांनी यूपी आणि उत्तराखंडची जबाबदारी सध्यातरी स्वत:कडे ठेवली आहे. ( Who is Akash Anand Mayawati nephew and successor to lead BSP know fact )

बसपची बैठक लखनऊ येथे आयोजित करण्यात आली होती. २०२४ च्या लोकसभा निवडणुकीबाबत रणनीती ठरवण्यासाठी ही बैठक बोलावण्यात आली होती. या बैठकीत मायावती यांनी आपला उत्तराधिकारी म्हणून आकाश आनंद यांच्या नावाची घोषणा केली. या पार्श्वभूमीवर आकाश आनंद कोण आहेत? हे आपण पाहूया.

आकाश आनंद कोण आहेत?

२८ वर्षीय आकाश हे मायवती यांचे बधू आनंद कुमार यांचे पुत्र आहेत. आकाश यांनी लंडनमधून एमबीएमध्ये पदवी घेतली आहे. २०१७ मध्येच मायावतींनी त्यांना राजकारणात आणलं होतं. तेव्हापासून पक्षाच्या निर्णयामध्ये त्यांना सहभागी करुन घेण्यात आले होते. तसेत बसपच्या अनेक कार्यक्रमांमध्ये ते दिसत होते. २०१९ मध्ये त्यांना बसपचा उपाध्यक्ष करण्याचा निर्णय झाला होता. पण, नेपोटिझममुळे आकाश यांनी पद घेण्यास नाकारले होते, असं मायावती यांनी सांगितलं होतं.

२०१९ च्या लोकसभा निवडणुतीत आकाश यांनी पक्षाच्या निवडणुच्या रणनीतीची धुरा सांभाळली होती. तसेच २०२२ मध्ये उत्तर प्रदेश विधानसभा निवडणुकीत त्यांनी पक्षाचा सोशल मीडिया विभाग सांभाळला होता. २०२४ च्या लोकसभा निवडणुका डोळ्या समोर ठेवून त्यांना संधी देण्यात आल्याचं बोललं जातं. त्यामुळे पक्षाची वाढ करण्याचा ते प्रयत्न करतील अशी आशा बसप कार्यकर्त्यांना आहे.

मायवती यांनी समाजवादी पक्षासोबत संबंध तोडल्यानंतर २०१९ मध्ये आकाश आनंद यांना राष्ट्रीय संयोजक करण्यात आले होते. हिमाचल प्रदेशच्या विधानसभा निवडणुकांमध्ये स्टार कॅम्पेनरच्या यादीत त्यांचे नाव दुसऱ्या क्रमांकावर होते. देशातील विधानसभा निवडणुकीच्या वेळी पक्ष वाढीची जबाबदारी देखील त्यांना देण्यात आली होती. २८ व्या वयात पक्षाची जबाबदारी मिळाल्याने ते कशी वाटचाल करतात हे पाहाणं महत्त्वाचं ठरणार आहे. (Latest Marathi News)