नवी दिल्ली : कोरोना विषाणूचा प्रादुर्भाव मोठ्या प्रमाणात जगभरात आहे. कोरोनामुळे अवघं जग सध्या संकटात सापडलं आहे. परंतु, आता एक दिलासादायक बाब समोर आली आहे. या विषाणूला नष्ट करण्यासाठी अद्याप कोणत्याही स्वरुपाचं यश मिळू शकलेलं नसले तरी, सध्या कोरोनावरील महत्वाच्या ८ लसींची वैद्यकीय चाचणी घेतली जात आहे. एएनआयने याबाबत वृत्त दिलं आहे.
पुण्याच्या बातम्या वाचण्यासाठी येथे ► क्लिक करा
तसेच, आणखी ११० लस संपूर्ण जगभरात विकसीत होण्याच्या विविध टप्प्यातून जात आहेत. जागतिक आरोग्य संघटनेनं ही महत्वाची माहिती दिली आहे. जगातील सर्व देश एकजूट होऊन या आजाराचा फैलाव संपवण्याची तयारी करीत आहेत. यामध्ये अमेरिका, चीन आणि जर्मनी या घातक विषाणूला मूळापासून संपवण्यासाठी सुरु असलेल्या मोहिमेचे नेतृत्व करीत असल्याचेही जागतिक आरोग्य संघटनेकडून स्पष्ट करण्यात आले आहे.
-----------
पुण्यात कोरोनाचा कहर; एका दिवसात आतापर्यंतचे सर्वाधिक रुग्ण
-----------
पुणे शहराच्या किमान तापमानात झाली वाढ; पुढील सहा दिवस...
----------
सध्याच्या परिस्थितीत अमेरिका आणि चीनसहित इतर अनेक देश लस बनविण्याच्या अंतिम टप्प्यात असल्याचे सांगण्यात येत आहे. अमेरिकेचे राष्ट्राध्यक्ष डोनाल्ड ट्रम्प यांनी म्हटले होते की, या वर्षाच्या शेवटापर्यंत आपल्याला लस मिळेल. याचबरोबर जगातील इतरही अनेक देशांच्यावतीनं देखील हाच दावा केला जात आहे की लवकरच लस शोधली जाईल. दरम्यान, कोरोना महामारीचा उद्रेक जगात अद्याप सुरुच आहे. कोरोनामुळं जगभरात एकूण ४४,३४,६५३ लोक संक्रमित झाले आहेत. यांपैकी ३,०२,१६९ लोकांचा मृत्यू झाला आहे. हा आकडा जागतिक आरोग्य संघटनेने १६ मे रोजी संध्याकाळी ७ वाजता प्रसिद्ध केलेला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.