पाकूर (झारखंड) - सुधारित नागरिकत्व कायद्याच्या विरोधात देशभरात ठिकठिकाणी विद्यार्थी रस्त्यावर उतरले असून, त्यांना पोलिसांच्या लाठ्या खाव्या लागत आहेत, त्यामुळे विद्यार्थ्यांचा आवाज ऐकणाऱ्या, त्यांना समजून घेणाऱ्या सरकारलाच झारखंडमधील जनतेने निवडून द्यावे, असे आवाहन काँग्रेसच्या सरचिटणीस प्रियांका गांधी-वाद्रा यांनी आज केले.
काँग्रेस पक्षाच्या येथे आयोजित प्रचारसभेत बोलताना प्रियांका म्हणाल्या, की आसाममध्ये राष्ट्रीय नागरिक नोंदणी मोहिमेला अपयश आले आहे. त्यानंतरही केंद्र सरकारने सुधारित नागरिकत्वाचा कायदा आणला आहे. या कायद्याला विरोध दर्शविण्यासाठी देशभरातील विद्यापीठांमध्ये विद्यार्थी आंदोलन करत आहेत. मात्र, आंदोलन करणाऱ्या विद्यार्थ्यांवर पोलिसांकडून लाठीमार केला जात आहे. विद्यार्थ्यांचे म्हणणे ऐकून घेणारे, शेतकऱ्यांना कर्जमाफी देणारे, महिलांना सुरक्षा प्रदान करणारे आणि तुमच्या संस्कृतीचे रक्षण करणाऱ्या सरकारलाच राज्यातील जनतेने निवडून द्यावे, असे प्रियांका म्हणाल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.