मुंबई : भारतात तिरंगा फक्त स्वातंत्र्य दिनी (१५ ऑगस्ट) आणि प्रजासत्ताक दिनी (२६ जानेवारी) फडकवला जातो. स्वातंत्र्य दिनी नरेंद्र मोदी (Narendra Modi) पंतप्रधान या नात्याने ध्वजारोहण करतात.

१५ ऑगस्टला पंतप्रधानांनी लाल किल्ल्यावरून ध्वजारोहण करण्याची पद्धत आहे; मात्र २६ जानेवारीला पंतप्रधान ध्वजारोहण करत नाहीत. याउलट, राष्ट्रपती झेंडा फडकवतात. असे का ?

२६ जानेवारी विशेष का आहे ?

यावर्षी आपण ७४ वा प्रजासत्ताक दिन साजरा करणार आहोत. हा दिवस भारतीय राज्यघटना लागू झाल्याची आठवण म्हणून साजरा करतो.

२६ जानेवारी १९५० रोजी भारतीय राज्यघटना लागू करण्यात आली. २६ जानेवारी हा दिवस भारतीयांसाठी खूप खास आहे. अशा स्थितीत राजधानी दिल्लीत या दिवशी एक भव्य संचलन आयोजित केले जाते आणि सांविधानिक प्रमुख राष्ट्रपती ध्वजारोहण करतात.

२६ जानेवारीला पंतप्रधान तिरंगा का फडकवत नाहीत ?

१५ ऑगस्ट १९४७ रोजी भारत ब्रिटिशांपासून स्वतंत्र झाला. त्यावेळी देशाचा प्रमुख पंतप्रधान असायचा. त्यामुळे पंतप्रधान जवाहरलाल नेहरू यांनी त्या दिवशी लाल किल्ल्यावर ध्वजारोहण केले होते.

२४ जानेवारी १९५० रोजी डॉ. राजेंद्र प्रसाद यांनी राष्ट्रपती म्हणून शपथ घेतली आणि ते देशाचे घटनात्मक प्रमुख बनले. या कारणास्तव, देशाचे राष्ट्रपती २६ जानेवारी रोजी ध्वजारोहण करतात.

त्यामुळे दरवर्षीप्रमाणे यंदाच्या प्रजासत्ताक दिनी नरेंद्र मोदी ध्वजारोहण करणार नाहीत. हे काम करण्याचा मान राष्ट्रपती द्रौपदी मुर्मू ( Droupadi Murmu) यांच्याकडे असेल.

ठिकाण

स्थळाबद्दल सांगायचे तर, प्रजासत्ताक दिनाचा मुख्य कार्यक्रम राजपथ येथे आयोजित केला जातो आणि राष्ट्रपती ध्वजारोहण करतात. स्वातंत्र्य दिनी राजधानी दिल्लीतील लाल किल्ल्यावर मुख्य कार्यक्रमाचे आयोजन केले जाते.