धारशिव - केंद्रातील नरेंद्र मोदी सरकारने नुकतच संसदेचं विशेष अधिवेशन बोलवलं होतं. या अधिवेशनात समान नागरी कायदा आणला जाईल, असा दावा करण्यात आला होता. मात्र तसं काहीही झालं नसून यावरून आता विरोधक विशेष अधिवेशन कशासाठी होतं, असा सवाल करत आहे.

ठाकरे गटाचे खासदार ओमप्रकाश राजे निंबाळकर म्हणाले की, नुकतचं संसदेचे विशेष अधिवेशन संपन्न झाले. मात्र हे अधिवेशन कशासाठी होते? हेच कळलं नाही. नवीन संसद भवन प्रवेश झाला. मात्र जनतेच्या प्रश्नासाठी वेळ नाही. महिला आरक्षण विधेयक ९ वर्षानंतर अर्थात २०२९ च्या पुढे लागू होणारे आणल्याची टीका राजेनिंबाळकर यांनी केली.

दरम्यान दिल्ली विधेयक आणि मुख्य निवडणुक आयुक्त निवड आध्यादेश लगेच येतो, मग आरक्षणाचं का नाही? असा सवालही राजेनिंबाळकर यांनी उपस्थित केला. आमदार अपात्रतेबाबत ते म्हणाले की, ग्रामीण भागातल्या सर्वसामांन्यांनाही पक्षांतरबंदी कळते. त्यामुळे विधानसभा आध्यक्षांचा निकाल कायदेशीररित्या ठाकरेंच्याच बाजुने लागेल.