प्रवास करण्यासाठी सर्वांत सुलभ साधन कोणते असेल तर ते विमान आहे. आपल्याला इच्छित असलेल्या ठिकाणी आपण अगदी सहजतेने विनात्रास पोहचू शकता. इतर प्रवासांहून हा प्रवास निश्चितच महाग असतो. महाग असला तरी हा प्रवास सुखकारक मानला जातो. मात्र, या विमान प्रवासात अनेक चित्रविचित्र घटना घडताना दिसून येतात. काही घटना या अभूतपुर्व अशा असतात. अशीच एक अभूतपुर्व घटना इंडीगो एअरलाईन्सच्या विमानात घडली आहे. हे विमान दिल्ली ते बेंगलोर असा प्रवास करत होते. या प्रवासादरम्यान एका महिलेने एका बाळाला जन्म दिला आहे.
इंडिगो एअरलाईन्सकडून जाहीर केलेल्या निवेदनात असं म्हटलंय की, आई आणि बाळ दोघेही सुखरुप आहेत. फ्लाईट संध्याकाळी 7:40 वाजता बेंगलोर एअरपोर्टवर उतरली. आम्हाला हे सांगायला आनंद होतोय की या प्रवासादरम्यान एका प्रवासी महिलेने बाळाला जन्म दिला आहे. दिल्ली ते बेंगलोर दरम्यान प्रवास करणाऱ्या 6E122 या फ्लाईटमध्ये या बाळाचा जन्म झाला आहे.
या बाळाला आता आजन्म मोफत विमान प्रवास करता येणार आहे. कारण, त्याच्या जन्मानंतर इंडिगोने त्याला आयुष्यभर प्रवासासाठी मोफत विमान तिकीट देण्याची घोषणा केली आहे. विमानात अशाप्रकारे जन्म होण्याची घटना ही अत्यंत दुर्मिळ आहे. त्यामुळे या आनंदाप्रित्यर्थ बाळाला आता आयुष्यभर मोफत विमानप्रवास करता येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.