दिल्ली : माजी अर्थमंत्री तथा तृणमूल काँग्रेस पक्षाचे नेते यशवंत सिन्हा (Yashwant Sinha) यांनी राज्यसभा निवडणुकीवर ट्विट करुन केंद्रातील भाजप सरकारवर टीका केली आहे. तुरुंगात असलेल्या आमदारांचे मताधिकार काढून घेणे हे खूप चुकीचे आहे. यामुळे सत्ताधारी पक्षाला जिंकण्यासाठी जितके आमदारांची आवश्यकता आहे, तितके अटक करु शकतात, असा हल्लाबोल सिन्हा यांनी मोदी सरकारवर (Government) केला आहे. (Yashwant Sinha Attack On Modi Government Over MLAs Voting Rights)

पुढे ते म्हणतात, यापूर्वी अशी स्थिती आली नव्हती. मला असे अनेक प्रसंग आठवतात जिथे लोकांनी तुरुंगातून येऊन मतदान केले. मुंबई उच्च न्यायालयाने नवाब मलिक यांचा जामीनाचा अर्ज फेटाळला आहे. मलिक यांनी राज्यसभा निवडणुकीत (Rajya Sabha Election 2022) मतदान करण्यासाठी न्यायालयात जामीनाचा अर्ज केला होता.

यापूर्वी गुरुवारी (ता.नऊ) विशेष पीएमएलए न्यायालयाने नवाब मलिक आणि अनिल देशमुख यांना राज्यसभा निवडणुकीत मतदान करण्यास परवानगी नाकारली होती. त्यानंतर त्यांनी मुंबई उच्च न्यायालयात याचिका दाखल केली होती.