Pune University Sakal
एज्युकेशन जॉब्स

पुणे विद्यापीठाच्या विद्यार्थ्यांच्या सेवासुविधांसाठी १७९ कोटी

सावित्रीबाई फुले पुणे विद्यापीठाच्या २०२२-२३ या आर्थिक वर्षातील खर्चासाठी ५५१ कोटी रुपयांचा अर्थसंकल्प अधिसभेत मांडण्यात आला.

सम्राट कदम

सावित्रीबाई फुले पुणे विद्यापीठाच्या २०२२-२३ या आर्थिक वर्षातील खर्चासाठी ५५१ कोटी रुपयांचा अर्थसंकल्प अधिसभेत मांडण्यात आला.

पुणे - सावित्रीबाई फुले पुणे विद्यापीठाच्या (Pune University) २०२२-२३ या आर्थिक वर्षातील खर्चासाठी (Expenditure) ५५१ कोटी रुपयांचा अर्थसंकल्प (Budget) बुधवारी (ता.३०) अधिसभेत मांडण्यात आला. यातील १७९ कोटी ४९ लाख रुपये विद्यार्थ्यांच्या प्रत्यक्ष सेवा आणि सुविधांसाठी खर्च करण्यात येणार आहे.

कुलगुरू डॉ. नितीन करमळकर, प्र-कुलगुरू डॉ. एन.एस.उमराणी, कुलसचिव डॉ. प्रफुल्ल पवार आणि अधिसभेच्या उपस्थितीत व्यवस्थापन परिषदेचे सदस्य राजेश पांडे यांनी हा अर्थसंकल्प मांडला. ते म्हणाले,‘‘विद्यापीठाच्या आवारातील अपूर्ण इमारती पूर्ण करण्यावर अर्थसंकल्पात भर दिला आहे. तसेच नवीन शैक्षणिक धोरणाच्या अंमलबजावणीसाठी येणाऱ्या शैक्षणिक वर्षामध्ये राबवायच्या उपक्रमांसाठीही अर्थसंकल्पात तरतूद करण्यात आली आहे.’’ यंदाच्या अर्थसंकल्पात ६९ कोटी ४० लाख रुपयांची वित्तीय तूट आहे.

विद्यापीठात आता व्यापारी लेखांकन पद्धत -

विद्यापीठातील आर्थिक कामकाजासाठी आजवर लेखा पद्धतीचा वापर करण्यात येत होता. एक एप्रिलपासून व्यापारी लेखांकन पद्धत (मर्कंटाईल सिस्टम) लागू करण्यात येणार आहे. यामुळे दैनंदिन आर्थिक व्यवहारात सहजता व सुलभता येईल, असा विश्वास पांडे यांनी व्यक्त केला.

अर्थसंकल्पात नवं काय -

१) प्रयोग उपकरण विकसन केंद्र (तरतूद २५ लाख) - अंतरिक्ष मोहिमांमध्ये भौतिक, रसायन आणि जैविकशास्र प्रयोगांसाठी आवश्यक उपकरणांची निर्मिती करणारे विद्यापीठातील केंद्र

२) मराठा साम्राज्य अभ्यास केंद्र (तरतूद २० लाख) - मराठी साम्राज्याशी निगडित मोडी लिपीतील कागदपत्रांचे डिजीटायझेशन आणि अभ्यास

३) रोहिणी भाटे नृत्य संशोधन केंद्र (१० लाख) - भारतीय शास्रीय नृत्यविषयक मूलभूत संशोधन केंद्र

४) संग्रहालय शास्र विभाग (२५ लाख) - राजा दिनकर केळकर संग्रहालयाच्या माध्यमातून या विभागाची सुरवात

पालक गमाविलेल्या विद्यार्थ्यांना आर्थिक साहाय्य -

कोरोनात किंवा कोणत्याही नैसर्गिक आपत्तीत पालक गमाविलेल्या विद्यार्थ्यांसाठी स्वामी विवेकानंद विद्यार्थी साहाय्य योजनेची घोषणा करण्यात आली. यासाठी ३ कोटी २५ लाख रुपयांची तरतूद करण्यात आली आहे. क्रांतीज्योती सावित्रीबाई फुले अर्थसाहाय्य आणि लोकशाहीर अण्णा भाऊ साठे आर्थिक दुर्बल घटक शिष्यवृत्ती योजनेसाठी प्रत्येकी एक कोटी, तर छत्रपती शाहू महाराज आणि महात्मा ज्योतिराव फुले शिष्यवृत्ती योजनेसाठी प्रत्येकी दोन कोटींची तरतूद करण्यात आली आहे.

महत्त्वाच्या तरतूदी -

- नाशिक आणि नगर उपकेंद्र इमारत - प्रत्येकी दोन कोटी

- विद्यापीठाच्या आवारातील उदवाहकासाठी - एक कोटी

- विद्युतीकरणासाठी - दोन कोटी

- विद्यार्थी विकास मंडळ - ९ कोटी ७५ लाख

- खाशाबा जाधव क्रिडा संकुल - दोन कोटी

- विद्यार्थी वसतिगृह (देखभाल, विकास) - दोन कोटी १८ लाख

- विद्यार्थी सुरक्षा विमा व आपत्कालीन साहाय्य - ४० लाख

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Real Estate Development : २०१६ ते २०२६ दरम्यान पिंपरी चिंचवडचे चित्र बदलले; शेतजमिनी कमी होऊन टोलेजंग इमारतींची संख्या वाढण्यामागे काय?

Shankar Maharaj Math : धनकवडीतील शंकर महाराज मठाच्या अन्नछत्राला एफडीएचा दणका; परवाना मिळेपर्यंत व्यवसाय बंद

Tata Group: टाटा समूहात खळबळ! रतन टाटा यांचे सख्खे भाऊ जिमी टाटा यांचे नोएल टाटांवर गंभीर आरोप; म्हणाले...

IPL Retaintion झालं, आता लिलावापूर्वी कोणत्या संघाकडे किती पैसे अन् खेळाडूंची जागा शिल्लक? पाहा यादी

Pimpri Cyber Police : सायबर गुन्हेगारांना १२ हजार बनावट सिमकार्डचा पुरवठा; पिंपरी पोलिसांची मोठी कारवाई

SCROLL FOR NEXT