AAI Recruitment 2021 : नोकरीच्या शोधात असाल आणि तुम्हाला गलेलठ्ठ पगाराची नोकरी हवी असेल तर एअरपोर्ट अथॉरिटी ऑफ इंडियामध्ये (airport authority of india) भरती निघाली आहे. वरिष्ठ सहाय्यक या पदासाठी अर्ज मागण्यात आले आहेत. इच्छुक आणि पात्र उमेदवार aai.aero या अधिकृत संकेतस्थळावर अर्ज करु शकतात. वरिष्ठ सहाय्यक पदाच्या 29 जागांसाठी अर्ज मागवण्यात येत आहेत. अर्ज करण्याची अखेरची तारीख 31 ऑगस्ट 2021 आहे.

एअरपोर्ट अथॉरिटी ऑफ इंडियामध्ये नोकरी करण्यासाठी इच्छुक आणि पात्र उमेदवाराने लवकरात लवकर अर्ज करुन सुवर्णसंधीचा लाभ घ्यावा. https://www.aai.aero/sites/default/files/examdashboard_advertisement/Deptt.%20Exam.pdf यावरुन तुम्हाला पदभरतीसंदर्भात सविस्तर माहिती मिळेल. अर्ज करणाऱ्या उमेदवाराचं वय 30 जून 2021 पर्यंत 50 वर्ष असायला हवं, अशी अट घालण्यात आली आहे.

कोणत्या पदावर किती जागा अन् पगार काय?

वरिष्ठ सहाय्यक (ऑपरेशन) - 14 पदे (पगार, 36 हजार ते एक लाख 10 हजार रुपये)

वरिष्ठ सहाय्यक (वित्त) - 6 पदे, (पगार, 36 हजार ते एक लाख 10 हजार रुपये)

वरिष्ठ सहाय्यक (इलेक्ट्रॉनिक्स) - 9 पदे, (पगार, 36 हजार ते एक लाख 10 हजार रुपये)

पात्रता काय?

वरिष्ठ सहाय्यक (ऑपरेशन्स) – एलएमव्ही (LMV) परवानासह पदवीधर. उमेदवाराचा व्यवस्थापनाचा डिप्लोमा हवा.

वरिष्ठ सहाय्यक (वित्त) – B.Com सह तीन ते सहा महिन्यांचं संगणक प्रशिक्षण कोर्स प्रमाणपत्र.

वरिष्ठ सहाय्यक (इलेक्ट्रॉनिक्स)- इलेक्ट्रॉनिक्स/ दूरसंचार/ रेडिओ अभियांत्रिकीमध्ये डिप्लोमा केलेला असावा.