प्रथम वर्ष 
इंग्रजी भाषेतील आपले मूल्यांकन -

• सर्वप्रथम विद्यार्थ्यांनी स्वतःच्या इंग्रजी भाषेच्या (समजणे व बोलणे) मूल्यांकन करावे. 
• ग्रुप डिस्कशन, मुलाखत व चाचणीद्वारे  १ ते १० मूल्यांकन करून घेणे (१ - सर्वांत कमी,  तर १० - सर्वांत चांगले).
• १ ते ४ मूल्यांकन असणाऱ्या विद्यार्थ्यांनी इंग्रजीचा ४० ते ६० तासांचा बेसिक आणि त्यानंतर ॲडव्हान्स कोर्स करावा. (हे कोर्सेस वेबसाइटवर मोफत उपलब्ध असतात).
• ५ ते ७ मूल्यांकन असणाऱ्या विद्यार्थ्यांनी इंग्रजीचा ४० ते ६० तासांचा ॲडव्हान्स कोर्स करावा.
• ८ ते १० मूल्यांकन असणाऱ्या विद्यार्थ्यांचे इंग्रजी चांगले असल्याने त्यांनी एखादी परदेशी भाषा शिकावी.
• शनिवार/रविवार वा सुटीच्या दिवसांत किंवा महाविद्यालय सुटल्यानंतर सायंकाळी २ ते ३ तास जवळच्या इंडस्ट्रीत जाऊन शिकावे.
• प्रत्येक सत्रात चांगला प्रोजेक्ट बनवावा.
• प्रत्येक सत्रात एकाही विषयात नापास न होता कमीत कमी ६० टक्के गुण मिळवावेत.
• दोन सत्रातील सुट्यांमध्ये कमीत कमी १५ दिवस औद्योगिक प्रशिक्षण घ्यावे.

ताज्या बातम्यांसाठी डाऊनलोड करा ई-सकाळचे ऍप 

द्वितीय वर्ष 

• कुठलीही एक परदेशी भाषा (जपानी, जर्मन, फ्रेंच) शिकल्यास नोकरीची संधी मोठ्या प्रमाणावर मिळतात. ४ ते ५ लेव्हलपैकी कमीत कमी २ ते ३ लेव्हल विद्यार्थ्याने पदवीपर्यंत पूर्ण कराव्यात, त्यासाठी दुसऱ्या वर्षापासूनच सुरुवात करावी. 
• प्रेझेंटेशन स्किल्स व स्टेज डेअरिंग वाढवण्यासाठी एक प्रेझेंटेशन बनवून सादरीकरण करावे.
• IIT TECHFEST सारख्या चांगल्या प्रतीच्या टेक्निकल स्पर्धांमध्ये जरूर भाग घ्यावा.
• ॲप्टिट्यूड बेसिक प्रशिक्षण ४० तास घ्यावे. 
• प्रोग्रॅमिंगचा बेसिक कोर्स करावा.
• रोजच्या जीवनात इंग्रजी भाषेचा वापर करावा.

तृतीय वर्ष 

• भविष्यातील उपयुक्त तंत्रज्ञानातील आपल्या क्षेत्राशी निगडित व आपल्या आवडीचा ४०-६० तासांचा कोर्स करावा. 
• उच्च शिक्षणासाठी जायचे असल्यास त्याची तयारी करावी. GRE/GMAT/CET/CAT/GATE/MPSC/UPSC सारख्या परीक्षांची तयारी एक ते दीड वर्ष केल्यास चांगला स्कोअर मिळवता येतो.
• ॲप्टिट्यूड, प्रोग्रॅमिंगचा ॲडव्हान्स कोर्स करावा.
• ॲप्टिट्यूड व G.D ची सराव परीक्षा द्यावी. 
• कमीत कमी २-३ वेळा सराव मुलाखती द्याव्यात (Technical व HR)  
• कमीत कमी १५-२० Mock Aptitude Test (सराव परीक्षा) द्याव्यात. सर्व पेपर घड्याळ लावून सोडवावीत. ७. चांगल्या संशोधन पुस्तिकेत एखादा पेपर प्रकाशित करावा. (उदा ः Scopus, IEEE, Web Of Science, SCI etc.)
• स्वतःचा उद्योग सुरू करायचा असल्यास लघुउद्योग वा मध्यम वर्गातील उद्योगांची प्रत्यक्षात जाऊन माहिती घ्यावी.
• इंटर्नशिपसाठी दोन महिने (Affiliated Colleges) ते सहा महिने (Autonomous Colleges) कंपनीत काम करावे.
• TCS,INFOSYS, CAPGEMINI,ACCENTURE सारख्या mass recruitment करणाऱ्या कंपन्यांच्या प्रत्येक कंपनीसाठीच्या त्यांच्या पॅटर्नच्या कमीत कमी ४-५ सराव परीक्षा सोडवाव्यात.  
• Hacker Rank व Hacker Earth यासारख्या वेबसाइटवर प्रोग्रॅमिंगचा सराव करावा.
• TCS Next step Website व Infosys च्या InfyTQ या ॲपवर मोफत प्रशिक्षणाची सोय असते. १३. KPIT Sparkle, TCS Codevita, Capgemini Tech Fiesta, Hack with Infy यासारख्या स्पर्धांमध्ये जरूर भाग घ्यावा.