भारत हा चीननंतरचा सर्वाधिक लोकसंख्या असलेला देश. आपल्याकडे वाढती जागरूकता आणि नोकरीच्या संधी मिळण्यासाठी शिक्षण घेणाऱ्या विद्यार्थ्यांच्या संख्येत सातत्याने वाढ होताना दिसते आहे. त्यामुळे २०१६ ते २०२० या चार वर्षांतच शिक्षणाच्या ‘इंडस्ट्री’चा आकार दुप्पट झाला आहे! त्यात कोरोनाकाळात ई-लर्निंगच्या सेवांमध्येही वाढ झाली आहे. अर्थात, महाविद्यालयीन शिक्षणाचा इंडस्ट्रीच्या एकूण आकारातील ५० टक्क्यांपेक्षाही अधिक वाटा आहे, हे निर्विवाद सत्य आहे.