मुंबई : शिक्षण पूर्ण झाल्यानंतर कार्यक्षेत्र निवडणे ही एक कठीण गोष्ट वाटू शकते. अशावेळी अनेक पर्याय समोर असतात. त्यापैकी कोणता पर्याय निवडावा हे समजण्यासाठी काही टीप्स पाहू या.

सर्वांत आधी स्वत:ला विचारा की तुम्हाला फिल्ड वर्क करायचे आहे की डेस्क जॉब करायचा आहे. अंशवेळ काम करायचे आहे की पूर्ण वेळ काम करायचे आहे. सुट्ट्या किती महत्त्वाच्या आहेत. नोकरी करायची आहे की उद्योग उभारायचा आहे.

करिअर कोणतंही असले तरीही त्याचे अंतिम ध्येय पैसे कमवणे हेच असते. त्यामुळे तुमच्या यादीतील कोणते क्षेत्र तुम्हाला आर्थिक स्थिरता मिळवून देईल हे ओळखा. कामाचे समाधान असेल तर तुम्ही अधिक चांगले काम करू शकता. पण पैसे चांगले मिळत असतील तर त्यामुळे तुमचे मनोबल वाढेल.

तुमची अल्पकालीन आणि दीर्घकालीन ध्येये निश्चित करा आणि त्यानुसार कार्यक्षेत्र निवडून वाटचाल सुरू करा. जे क्षेत्र निवडाल तेथे प्रगती करायला किती अवकाश आहे याचा अंदाज घ्या. अशाप्रकारे करिअर निवडल्यास तुम्ही नक्कीच यशस्वी व्हाल.