Competitive Exam Student Get Five Government Offers : मेहनत करणाऱ्यांना देवही निराश करत नाही असे आपण म्हणतो. असाच काहीसा प्रत्यय एका युवकाला आला आहे.

हेही वाचा : जोखीममुक्त व्यवहारांसाठी रिझर्व बँकेचा 'डिजिटल रुपया'

हरियाणातील एका तरूणाची ही कहाणी वरील उक्तीला अगदी तंतोतंत लागू होणारी आहे. पदवीनंतर सुरेंदर गोदास यांनी स्पर्धा परीक्षा देण्याचा निर्णय घेतला. यासाठी सुरेंदर सर्व सरकारी पदांसाठीच्या लेखी परीक्षा देत असत.

मात्र, अंतिम गुणवत्ता यादीत काही केल्या देवास यांचे नाव येत नव्हते. वेळोवेळी मिळणाऱ्या अपयशानंतरही गोदास यांनी हार मानली नाही आणि अखेर सुरेंदर यांना एक दोन नव्हे तर तब्बल पाच सरकारी नोकऱ्यांसाठीचे कॉल लेटर मिळाले.

हरियाणातील सिरसा येथील सरकारी नॅशनल कॉलेजमधून 2018 मध्ये B.Sc (B.Sc) केलेल्या सुरेंदर गोदारा या तरुणाची ही कथा आहे. पदवीनंतर सुरेंदर यांनी सरकारी नोकरीची तयारी करण्यास सुरूवात केली.

पहिल्यांदा सुरेंदर यांनी फेब्रुवारी 2019 मध्ये CDS साठीची लेखी परीक्षा दिली. यात यश मिळाले. मात्र, काही ना काही कारणाने यशाच्या जवळ जाऊनही अनेकदा सुरेंदर यांच्या पदरी अपयश येत होते.

पहिली सरकारी नोकरी

वेळोवेळी मिळणाऱ्या अपयशात SSC MTS 2019 चा अंतिम निकाल 6 मार्च 2021 रोजी जाहीर झाला. यात गोदारा यांनी निवड झाली. त्यानंतर ऑक्टोबर 2021 मध्ये नागरी विमान वाहतूक महासंचालनालयात (DGCA) गोदारा रुजू झाले.

दरम्यान, DGCA जॉईन होऊन काही दिवसच झाले होते. त्यातच SBI JA 2021 चा अंतिम निकाल जाहीर झाला. त्यातही गोदारा यांचे नाव गुणवत्ता यादीत आले होते. त्यामुळे गोदारा यांनी DGCA ची नोकरी सोडली आणि ते 21 फेब्रुवारी 2022 रोजी पंजाबमधील SBI मध्ये रुजू झाले.

एके दिवशी दुपारी बँकेत जेवण करत असताना SSC CGL-2019 चा अंतिम निकाल लागल्याचे त्यांच्या मित्राने गोदारा यांना फोनवर सांगितले. त्यानंतर उत्सुकतेपोटी गोदारा यांनी निकाल तपासला असता गुणवत्ता यादीत नाव होते. यावेळी त्यांची भारत सरकारच्या आयकर विभागात त्यांची निवड झाली होती. त्यामुळे DGCA नंतर SBI मध्ये रूजू होणाऱ्या गोदारा यांनी 27 ऑक्टोबर 2022 रोजी दिल्लीतील आयकर विभागात रुजू होण्याचा निर्णय घेतला.

दोन नोकऱ्या सोडून तिसऱ्या सरकारी नोकरीत रूजू होणाऱ्या गोदारा यांचे नशीब यानंतरही खणखणत होते. आयकर विभागात नोकरी करत असताना SSC CHSL-2019 परीक्षेतही गोदारा यांची निवड झाली होती. तसेच 2020 मध्ये सीआयएसएफमध्ये उपनिरीक्षकपदी निवड झाली होती.

मात्र, गोदारा यांनी चौथी आणि पाचवी सरकारी नोकरीची ऑफर नाकारत आयकर विभागातच नोकरी सुरू ठेवण्याचा निर्णय घेतला. परीक्षा देऊनही पदोपदी सुरेंदर यांनी प्रयत्न सोडले नाही. त्यामुळे उशीरा का होईना अखेर सुरेंदर यांना एकदा नव्हे तर पाचवेळा यश मिळाले.

आयुष्यात आलेला हा अनुभव सुरेंदर यांनी Quora वेबसाइटवर शेअर केली असून, अनेकांसाठी हा अनुभव प्रेरणादायी ठरत आहे. पोस्टच्या शेवटी गोदारा यांनी स्पर्धा परीक्षांची तयारी करणाऱ्या प्रत्येक विद्यार्थ्याला ''आशा कधीही सोडू नका... कठोर परिश्रम करा आणि आपले ध्येय साध्य करा'' असा मोलाचा सल्ला दिला आहे.