मुंबई : महाराष्ट्र राज्य परीक्षा परिषदेमार्फत येत्या 10 ऑक्टोबर रोजी घेण्यात येणारी शिक्षक पात्रता परीक्षा (TET Exam) पुढे ढकलण्यात आली आहे. टीईटी परीक्षेचे सुधारित वेळापत्रक (timetable announced) परीक्षा परिषदेने जाहीर केले असून आता ही परीक्षा 31 ऑक्टोबर रोजी होणार असल्याची माहिती परिषदेचे आयुक्त तुकाराम सुपे (tukaram supe) यांनी दिली.

राज्यात 10 ऑक्टोबर रोजी टीईटी परीक्षा घेण्यात येणार होती, परंतु या दिवशी केंद्रीय लोकसेवा आयोगाची लेखी परीक्षा होणार असल्याने टीईटी परीक्षा पुढे ढकलण्यात आली आहे. या परीक्षेत उत्तीर्ण होणार्‍या उमेदवारांना येत्या काळात होणार्‍या शिक्षक भरतीसाठी संधी मिळणार आहे. तरी सुधारित वेळापत्रक लक्षात घेऊन विद्यार्थ्यांनी 31 ऑक्टोबर रोजी परीक्षा द्यावी, असे परीक्षा परिषदेचे आयुक्त तुकाराम सुपे यांनी स्पष्ट केले आहे. तर या टीईटीसाठी राज्यात 3 लाख 30 हजार 642 उमेदवारांनी नोंदणी केली असल्याची माहितीही सुपे यांनी दिली.