सरकारी नोकरी मिळवण्यासाठी प्रयत्न खरत असलेल्या तरुणांसाठी महत्वाची माहिती समोर आली आहे. महावितरण विभागात नोकरीची संधी असून गोंदिया येथील महावितरण विभागात ही भरती केली जाणार आहे. या विवीध पदांसाठी १०वी आणि आयटीआय उत्तीर्ण उमेदवार अर्ज करू शकतात. कार्यकारी अभियंता, संवसु विभाग, महावितरणकडून ही भरती जाहीर करण्यात आली आहे.

महावितरण मध्ये करण्यात येत असलेल्या भरतीदरम्यान उमेदवारांना वायरमन आणि लाइटमन या पदांवरील नोकरीसाठी ऑनलाईन पद्धतीने अर्ज करावे लागणार आहेत.

पात्रता काय आहे?

गोंदिया येथे होत असलेल्या महावितरण विभागातील या भरतीसाठी १८ ते ३० वयोगटातील उमेदवार अर्ज करु शकतात. अप्रेंटिस पदासाठी ही भरती जाहीर करण्यात आली आहे. या नोकरीसाठी अर्ज करणाऱ्या उमेदवाराने १०वी पास+ ITI पास उमेदवार अर्ज करु शकतात. एकूण ८५ पदांसाठी ही भरती करण्यात येणार आहे.

या पदासाठी भरती गुणवत्ता यादीनुसार केली जाणार आहे. या नोकरीसाठी राखीव प्रवर्गातील उमेदवारांना वयोमर्यादेत ५ वर्षांची सूट आहे. याबाबत उमेदवारांना www.apprenticeshipindia.org या वेबसाइटवर जाऊन अर्ज सादर करावे लागतील.

महावितरणमध्ये नोकरीसाठी अर्ज करण्याची शेवटची तारीख १५ ऑक्टोबर २०२४ आहे. ज्या तरुणांचे शिक्षण झाले आहे त्यांना कामाचा अनुभव हवा आहे. अशा उमेदवारांसाठी नोकरीची ही चांगली संधी आहे.