सोलापूर : संरक्षण मंत्रालयाने (Ministry of Defence - MOD) गट सी पदांच्या भरतीसाठी (Recruitment) पात्र आणि इच्छुक उमेदवारांकडून अर्ज आमंत्रित केले आहेत. संरक्षण मंत्रालयाच्या या भरतीमध्ये स्टेनोग्राफर, एलडीसी, मेसेंजर आणि सफाईवाला यांसारख्या नागरी पदांसाठी अर्ज मागविण्यात आले आहेत.

या भरतीतील एकूण रिक्त पदांची संख्या 6 आहे, ज्यामध्ये स्टेनोग्राफर, निम्न विभाग लिपिक, मेसेंजर आणि सफाईवाला अशी पदे आहेत. इच्छुक उमेदवार रोजगार वृत्तपत्रात भरतीची जाहिरात प्रसिद्ध झाल्यापासून 21 दिवसांच्या आत (20 नोव्हेंबरपर्यंत) अर्ज करू शकतात. या भरतीची सविस्तर माहिती 30 ऑक्‍टोबर रोजी प्रसिद्ध झालेल्या रोजगार वृत्तपत्रात पाहता येईल.

रिक्त जागांचा तपशील

• एकूण पदे : 6

• स्टेनोग्राफर ग्रेड II : 1 पद

• निम्न विभाग लिपिक : 1 पद

• मेसेंजर : 3 पदे

• सफाईवाला : 1 पद

पात्रता व निकष

स्टेनोग्राफर आणि एलडीसीसाठी उमेदवार 12 वी पास आवश्‍यक आहे. तर दहावी उत्तीर्ण उमेदवार मेसेंजर आणि सफाईवालासाठी अर्ज करू शकतात.

विहित नमुन्यात संरक्षण मंत्रालयाच्या गट सी रिक्त पदांसाठी अर्ज करू इच्छिणाऱ्या उमेदवारांनी पुढील पत्त्यावर अर्ज पाठवावेत : संरक्षण मंत्रालय, मुख्यालय, 111 सब झोन, बेंगदुबी मिलिटरी स्टेशन (पश्‍चिम बंगाल), स्टेशन हेडक्वार्टर, हाशिमारा (पश्‍चिम बंगाल) आणि स्टेशन मुख्यालय गंगटोक. अर्ज 21 दिवसांच्या आत पाठवू शकता. अधिक माहितीसाठी रोजगार वर्तमानपत्र पाहू शकता.