नाशिक : इन्स्टिट्यूट ऑफ बँकिंग पर्सनल सेलेक्शन (IBPS)ने स्पेशलिस्ट ऑफिसर (SO)अधिकारीचे भरती परीक्षा 2021 चे गुणपत्रक जाहीर केले. आयबीपीएस एसओ मेन्स परीक्षेत आलेले उमेदवार आता आयबीपीएसच्या अधिकृत संकेतस्थळावरील ibps.in वर जाऊन त्यांचा निकाल तपासू किंवा डाउनलोड करू शकतात. आयबीपीएस CRP-SPL-X विशेष अधिकारी (एओ) भरती प्रक्रिया तीन टप्प्यात घेण्यात येत आहे. पहिला टप्पा म्हणजे (प्रारंभिक परीक्षा), दुसरा मुख्य (मुख्य परीक्षा) आणि शेवटचा टप्पा म्हणजे मुलाखत फेरी. मुलाखत टप्प्यासाठी स्कोरकार्ड तपासण्यासाठी लिंक खाली देण्यात आली आहे.

30 मार्च 2021 पर्यंत मुलाखत स्कोरकार्ड डाउनलोड करा
आयबीपीएस एसओ मुलाखत फेरीसाठी उपस्थित असलेले उमेदवार 30 मार्च 2021 पर्यंत मुलाखत स्कोरकार्ड तपासू तसेच डाउनलोड करू शकतात. आयबीपीएस एसओ मुख्य परीक्षा 24 जानेवारी 2021 रोजी घेण्यात आली होती, तर मुख्य निकाल 04 फेब्रुवारी 2021 रोजी जाहीर झाला होता.

आयबीपीएस एसओ स्कोरकार्ड कसे तपासायचे? येथे पहा
1. आयबीपीएसची अधिकृत वेबसाइट ibps.in वर जा.
2. मुख्यपृष्ठावरील 'मुलाखतीसाठी शॉर्टलिस्टेड उमेदवारांची संख्या पाहण्यासाठी येथे  ibps.in या लिंकवर क्लिक करा .
3. एक नवीन पृष्ठ उघडेल.
4. आपला नोंदणी क्रमांक आणि जन्मतारीख प्रविष्ट करुन लॉग इन करा.
5. आपले आयबीपीएस एसओ स्कोरकार्ड स्क्रीनवर उघडेल.
6. ते डाउनलोड करा आणि भविष्यातील संदर्भासाठी एक प्रिंट आउट घ्या.

 1 नोव्हेंबर 2020 रोजी आयबीपीएस एसओ भरतीची अधिसूचना प्रसिद्ध करण्यात आली. या भरती मोहिमेद्वारे एकूण 647 जागा रिक्त आहेत. आयबीपीएस एसओ प्रारंभिक परीक्षा 26 आणि 27 डिसेंबर 2020 ला घेण्यात आली होती.