पुणे : भारतीय सैन्यदलाच्या वतीने सुरू असलेल्या ‘जज ॲडव्होकेट जनरल’च्या (जेएजी-३०) प्रवेशासाठी सुरू असलेली ऑनलाइन अर्ज प्रक्रियेची मुदत येत्या दोन दिवसात संपणार आहे. ही प्रवेश प्रक्रिया विधीची पदवी असलेल्या महिला व पुरूष उमेदवारांसाठी आहे. दरम्यान उमेदवारांना गुरुवारपर्यंत (ता. २२) ऑनलाइन पद्धतीने अर्ज भरता येईल.
जेएजी अंतर्गत सात रिक्त पदांसाठी उमेदवारांची निवड केली जाणार असून यामध्ये महिलांसाठी २ तर पुरुषांसाठी ५ जागा राखीव ठेवण्यात आल्या आहेत. प्रवेश प्रक्रियेसाठी २१ ते २७ वर्षांपर्यंतची वयोमर्यादा ठेवण्यात आली आहे.
तसेच एलएलबीमध्ये उमेदवारांना किमान ५५ टक्के गुण असणे आवश्यक आहे. या प्रक्रियेद्वारे निवडण्यात आलेल्या उमेदवारांना चैन्नई याथील ऑफिसर्स ट्रेनिंग ॲकॅडमी (ओटीए) येथे ४९ आठव्यांच्या प्रशिक्षण दिले जाईल. त्यानंतर हे अधिकारी लष्कराच्या विधी विभागात अधिकारी म्हणून रुजू होतील. या संदर्भातील अधिक माहिती आणि ऑनलाइन अर्ज भरण्यासाठी इच्छुक उमेदवारांनी joinindianarmy.nic.in या सैन्यदलाच्या अधिकृत संकेतस्थळाचा वापर करावा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.