Railway Recruitment 2021 : भारतीय रेल्वेत (Indian Railway) दहावी उत्तीर्ण झालेल्या उमेदवारांसाठी नोकरीची मोठी संधी उपलब्ध झालीय. रेल्वेत तब्बल 3 हजारांहून अधिक रिक्त जागांसाठी नुकतीच एक जाहिरात प्रसिध्द करण्यात आलीय. उत्तर रेल्वेच्या रेल्वे भरती सेलने (RRC NR) एकूण 3093 अप्रेंटिस पदांसाठी एक अधिसूचना जारी केलीय. या पदांसाठी इच्छुक उमेदवार, अधिकृत वेबसाइटवर rrcnr.org आपला ऑनलाइन अर्ज भरु शकतात. दरम्यान, 20 ऑक्टोबरपर्यंत संपूर्ण तपशीलासह अर्ज सबमिट करता येणार आहे.

महत्वाचे : या पदांसाठी इच्छुक उमेदवाराने कोणत्याही मान्यताप्राप्त मंडळाकडून 10 वी उत्तीर्ण केलेली असावी. या व्यतिरिक्त उमेदवाराकडे आयटीआय (ITI) प्रमाणपत्र देखील असणं आवश्यक आहे. या पदांकरिता वयोमर्यादा 15 ते 24 वर्षे निश्चित करण्यात आलीय. आपण आपल्या संपूर्ण माहितीसह rrcnr.org यावरती अर्ज करू शकता.

अर्ज फी : अर्जासाठी 100 रुपये शुल्क जमा करावे लागेल. ऑनलाइन अर्ज करण्याची प्रक्रिया 20 सप्टेंबरपासून सुरू असून 20 ऑक्टोबरपर्यंत अर्ज स्वीकारले जातील. दरम्यान, गुणवत्तेच्या आधारे उमेदवारांची निवड केली जाईल. या पदांसाठी कोणतीही लेखी परीक्षा किंवा मुलाखत घेतली जाणार नाही, असंही रेल्वे विभागानं स्पष्ट केलंय.