बंगळूर : कर्नाटक परीक्षा प्राधिकरणाने (केईए) कर्नाटक पदव्युत्तर सामान्य प्रवेश परीक्षा-२०२३ (PGCET) पुढे ढकलली आहे. ही परीक्षा ९ आणि १० सप्टेंबरला होणार होती.

या शैक्षणिक वर्षात पदव्युत्तर अभ्यासक्रमांना प्रवेश घेऊ इच्छिणाऱ्या विद्यार्थ्यांसाठी सात ऑगस्टला प्रवेश परीक्षा घेण्यात येणार जाहीर केले होते. पण, ही दोन महिने अगोदर घेण्यात येणार असल्यामुळे विद्यार्थ्यांवर दबाव आला होता.

मास्टर ऑफ बिझनेस अॅडमिनिस्ट्रेशन (एमबीए), मास्टर ऑफ कॉम्प्युटर अॅप्लिकेशन्स (एमसीए), मास्टर ऑफ आर्किटेक्चर (एम.आर्क), मास्टर इन टेक्नॉलॉजी (एमटेक) आणि मास्टर ऑफ इंजिनिअरिंग (एमई) यासारख्या पदव्युत्तर अभ्यासक्रमासाठी (पीजी कोर्सेस) प्रवेश घेऊ इच्छिणाऱ्या विद्यार्थ्यांना सरकारी कोट्यातील जागा मिळविण्यासाठी ही परीक्षा आहे.

चार ऑगस्टच्या अधिसूचनेत केईएने जाहीर केले की पीजीसीईटी ९ आणि १० सप्टेंबर रोजी घेण्यात येईल. मात्र, ही परीक्षा मागील वर्षाच्या वेळापत्रकापेक्षा दोन महिने आधी घेण्यात येणार होती. परीक्षेची तयारी करणाऱ्या विद्यार्थ्यांना तयारीसाठी खूप कमी वेळ मिळत होता. बीबीए, बीसीए आणि इतर पदवीधर विद्यार्थ्यांच्या सप्टेंबरच्या पहिल्या आठवड्यात परिक्षा होत्या.

तसेच, काही विद्यापीठांनी सहाव्या सेमिस्टरच्या परीक्षा सप्टेंबरमध्ये घेतल्या जातील असे सांगितले होते.. त्यामुळे पीजीसीईटीला बसू इच्छिणाऱ्या विद्यार्थ्यांचा प्रकल्प अहवाल, अंतिम सत्र परीक्षा की, पीजीसीईटीची तयारी करायची, याबाबत संभ्रम निर्माण झाला होता. केईएने २३ ऑगस्टला जारी केलेल्या पत्रकामध्ये असे म्हटले आहे की, विद्यार्थ्यांचे हीत लक्षात घेऊन पीजीसीईटी पुढे ढकलण्यात आली आहे.