तिरुअनंतपुरम : केरळमध्ये रविवारी (ता.१७) राष्ट्रीय पात्रता व प्रवेश परीक्षा (नीट) देणाऱ्या विद्यार्थिनींना अंतर्वस्त्रे उतरविण्याची सक्ती करण्यात आल्याच्या घटनेचा राज्यभरात निषेध होत आहे. राज्य महिला आयोगाने ‘नीट’च्या अधिकाऱ्यांना नोटीस बजावली आहे. कोल्लममधील अयूर येथील मोर्थम इन्स्टिट्यूट ऑफ इन्फर्मेशन टेक्नॉलॉजीच्या परीक्षा केंद्रावर हा प्रकार घडला. उच्च शिक्षण मंत्री डॉ. आर. बिंदू यांनी निषेध नोंदविला असून केंद्र सरकारकडे तक्रार केली आहे. त्या म्हणाल्या, ‘‘अशा कृतीमुळे परीक्षार्थींचा अपमान झाला असून त्याचा परिणाम उत्तरपत्रिका लिहिण्यावर झाला.
ही अतिशय असंस्कृत पद्धत आहे. याप्रकरणी विद्यार्थिनींच्या पालकांनी पोलिसांकडे तक्रार दाखल केली आहे. त्यानुसार महाविद्यालय प्रशासनाविरोधात गुन्हा दाखल झाला आहे. याबाबत विद्यार्थिनींनी केलेले आरोप महाविद्यालयाने फेटाळले आहेत.
पित्याची व्यथा
एका मुलीचे वडिल म्हणाले, माझ्या मुलीने गेल्या वर्षीही परीक्षा दिली होती, पण या छळामुळे ती कधीच परीक्षा देणार नाही. मेटल डिटेक्टरने तपासणी केल्यावर अंतर्वस्त्रांचा धातूशी संबंध नसूनही ते काढण्याची सक्ती झाली. यामुळे विद्यार्थिनी रडल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.