मुंबई : राज्य लोकसेवा आयोगाच्या अराजपत्रित गट -ब व गट -क च्या मुख्य परीक्षेत पुन्हा महाराष्ट्राच्या इतिहासाचा समावेश करण्यात आल्याची घोषणा राज्य लोकसेवा आयोगाने आज केली. १५ नोव्हेंबर रोजी जाहीर झालेल्या राज्य लोकसेवा आयोगाच्या मुख्य परीक्षेच्या अभ्यासक्रमातून महाराष्ट्राचा इतिहास वगळण्यात आला होता. महाराष्ट्रात शाहू, फुले, डॉ. आंबेडकरांच्या सोबत आगरकर, र. धो. कर्वे, कर्मवीर भाऊराव पाटील आदी महापुरुषांचा इतिहास राज्य लोकसेवा आयोगाच्या परीक्षेच्या तयारीसाठी होता.
मात्र हा इतिहास १४ नोव्हेंबरच्या नव्या अभ्यासक्रमातून वगळला आणि त्याचे राज्यभरात पडसाद उमटले. आज राज्य लोकसेवा आयोगाने याबाबत सुधारणा करत पुन्हा ‘महाराष्ट्राचा इतिहास’ मुख्य परीक्षेच्या अभ्यासक्रमात समाविष्ट केला आहे.
१५ नोव्हेंबर रोजी जाहीर झालेल्या नवीन अभ्यासक्रमानंतर अनेक परीक्षार्थींनी आयोगाकडे नाराजी अन तक्रारी नोंदवली. या परीक्षार्थींना न्याय मिळावा या हेतुने ‘महाराष्ट्राचा इतिहास’ अभ्यासक्रमात समाविष्ट करत आहोत.
- किशोरराजे निंबाळकर, अध्यक्ष, राज्य लोकसेवा आयोग
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.