मुंबई : राज्य लोकसेवा आयोगाच्या मुख्य परीक्षा २०२२ ची सर्वसाधारण गुणवत्ता यादी जाहीर झाली आहे. ही तात्पुरत्या स्वरुपाची यादी असून कागदपत्रे पडताळणीनंतर याचा अंतिम निकाल जाहीर केला जाणार आहे. या तात्पुरत्या यादीत विनायक पाटील हा राज्यातून पहिला आहे.
एमपीएससीकडून आतापर्यंतची राज्यसेवेची सर्वात मोठी जाहिरात असलेल्या ६१३ पदांसाठी ही परीक्षा घेण्यात आली होती. आजच (ता. १८) उमेदवारांच्या मुलाखती झाल्या आणि आजच एमपीएससीने सर्वसाधारण गुणवत्ता यादी प्रकाशित केलेली आहे.
गुणवत्ता यादीत विनायक पाटील याने मुलांमध्ये प्रथम क्रमांक तर पूजा वंजारी हिने मुलींमध्ये प्रथम क्रमांक पटकावला आहे. आयोगाने घेतल्या जाणाऱ्या परीक्षा आणि लांबत जाणारे निकाल यामुळे विद्यार्थ्यांमध्ये नाराजीचे वातावरण होते. मात्र, मुलाखतीच्याच दिवशी निकाल जाहीर करत विद्यार्थ्यांना सुखद धक्का दिला आहे.
राज्यसेवा मुख्य परीक्षा २०२२ मध्ये विनायक नंदकुमार पाटील यांनी ६२२ गुण मिळवत अव्वल क्रमांक पटकावला आहे. धनंजय बांगर यांनी ६०८ गुण तर सौरभ गावंडे यांनी ६०६ गुण मिळवले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.