मुंबई - राष्ट्रीय परीक्षा मंडळाने ‘नीट पीजी २०२२’ची परीक्षा (NEET PG 2022 Exam) आणि त्याची जाहीर केलेली तारीख ही चुकीची असल्याचा दावा करत ही परीक्षा पुढे ढकलण्यात (Postpond) यावी अशी मागणी विद्यार्थ्याकडून सोशल (Social Media) केली जात आहे. (NEET PG exam postpone demand by students)

राष्ट्रीय परीक्षा मंडळाने ‘नीट पीजी २०२२’ची परीक्षा १२ मार्च रोजी घेण्याचे ठरविले आहे. मात्र राज्यात सध्या पदव्युत्तर पदवर वैद्यकीय प्रवेश प्रक्रिया यंदा सर्वोच्च न्यायालयाचा निर्णय आणि अन्य कारणांमुळे उशीरा सुरू झाली. यामुळे २०२१ची केंद्राची प्रवेशफेरी सोमवारी, १७ जानेवारीपासून सुरू होणार आहे. या प्रवेश फेऱ्या १५ मार्चपर्यंत चालणार आहेत. त्यामुळे या प्रवेश फेऱ्या पूर्ण झाल्यानंतरच राज्यातील जागांसाठीची प्रवेश प्रक्रिया पार पडणार आहे. यामध्ये जर विद्यार्थ्यांना पाहिजे त्या अभ्यासक्रमाला प्रवेश मिळाला नाही तर अनेक विद्यार्थी पुन्हा प्रवेश परीक्षा देतात आणि पुढील वर्षी प्रवेशासाठी प्रयत्न करत असतात, अशी माहिती विद्यार्थ्यांकडून देण्यात आली.

१२ मार्च रोजी नीट पीजी २०२२ ची परीक्षा झाल्यास राज्यातील १५० विद्यार्थ्यांची संधी हुकण्याची शक्यता आहे. शिवाय सर्वाधिक केरळमधील ३६०० विद्यार्थ्यांची इंटर्नशिप ऑगस्ट महिन्यात संपणार आहे. गुजरातमधील ३०० विद्यार्थ्यांची इंटर्नशिप जुलै महिन्यात संपणार आहे. हाच मुद्दा अन्य राज्यातील विद्यार्थ्यांचाही आहे. तरीही ही प्रवेश परीक्षा पुढे ढकलली नाही तर विद्यार्थ्यांचे एक वर्ष वाया जाईल.अशी भीती विद्यार्थी सोशल मीडियाद्वारे व्यक्त करत आहेत.