पुणे : पोस्टात डाक जीवन विमा अंतर्गत एजंटांची नियुक्ती करण्यात येणार आहे. त्यासाठी येत्या 31 डिसेंबरपर्यंत येथील वरिष्ठ अधीक्षक डाकघर आणि पूर्व विभागातील पुणे शहर मार्केट यार्ड येथील कार्यालयात इच्छुक एजंटांनी अर्ज करावेत. अर्जासोबत चार फोटो, बारावीची मार्कलिस्ट, पॅन कार्ड, आधार कार्ड झेरॉक्‍ससह येथील कार्यालयात इच्छुकांनी सकाळी दहा ते सायंकाळी साडेपाच या कार्यालयीन कालावधीत अर्ज जमा करावेत, असे आवाहन करण्यात आले आहे. 

पुण्याच्या बातम्या वाचण्यासाठी येथे ► क्लिक करा

उमेदवाराची वयोमर्यादा 18 ते 60 वर्षे यादरम्यान असावी. उमेदवार मान्यता प्राप्त संस्थामधून दहावी, बारावी उत्तीर्ण असावा. विमा क्षेत्रातील माहिती, कुशलता असणे आवश्‍यक राहील. बेरोजगार, स्वयंरोजगार व्यक्ती, माजी जीवन विमा सल्लागार, कोणत्याही विमा कंपनीचे माजी अभिकर्ता, माजी सैनिक, अंगणवाडी कर्मचारी, महिला मंडळ कर्मचारी, निवृत्त शिक्षक, स्वयंसहायता बचत गटाचे पदाधिकारी, टपाल जीवन विमा एजंट यासाठी पात्र राहतील. नियुक्त उमेदवारांना अतिरिक्त प्रशिक्षण देण्यात येईल. 

पिंपरी-चिंचवडच्या बातम्या वाचण्यासाठी येथे ► क्लिक करा
ताज्या बातम्यांसाठी डाऊनलोड करा ई-सकाळचे ऍप 

मुलाखतीस येताना शैक्षणिक प्रमाणपत्रासह पॅन कार्ड, आधार कार्ड आणि इतर संबंधित दस्ताऐवजांसमवेत उपस्थित राहावे. अधिक माहितीसाठी वरिष्ठ विकास अधिकारी जे.सी. संकपाळ 9850035608 यांच्याशी संपर्क साधावा, असे आवाहन वरिष्ठ अधीक्षक डाक घर (पूर्व विभाग) यांच्या वतीने करण्यात आले आहे.