सोलापूर : ब्रॉडकास्ट इंजिनिअरिंग कन्सल्टंट्‌स इंडिया लिमिटेड (Broadcast Engineering Consultants India Limited - BECIL) ने MTS, हाउसकीपिंग, सुपरवायझर पदांच्या भरतीसाठी (Recruitment) अधिसूचना जारी केली आहे. या अंतर्गत एकूण 55 पदांची भरती केली जाणार आहे. यामध्ये मल्टिटास्किंग स्टाफच्या 32, हाउसकीपिंग आणि सुपरवायझरच्या 20 पदांची भरती केली जाणार आहे. अशा परिस्थितीत, ज्या उमेदवारांना या पदांसाठी ऑनलाइन अर्ज करायचा आहे, ते इच्छुक आणि पात्र उमेदवार becil.com या BECIL च्या अधिकृत साइटद्वारे ऑनलाइन अर्ज करू शकतात. या पदांसाठी अर्ज करण्याची अंतिम तारीख 10 डिसेंबर 2021 पर्यंत आहे. उमेदवारांनी नोंद घ्यावी की, ऑनलाइन अर्ज करण्याची अंतिम तारीख जवळ आली आहे, त्यामुळे वेळेत अर्ज करा, कारण शेवटच्या तारखेनंतर अर्ज स्वीकारला जाणार नाही.

या तारखा लक्षात ठेवा

• ऑनलाइन अर्जाची सुरुवात तारीख : 24 नोव्हेंबर 2021

• ऑनलाइन अर्ज करण्याची अंतिम तारीख : 10 डिसेंबर 2021

हे असेल अर्जाचे शुल्क

Broadcast Engineering Consultants India Limited च्या वतीने पर्यवेक्षक पदांसाठी अर्ज करणाऱ्या सामान्य, OBC आणि महिला उमेदवारांना 750 रुपये अर्जाचे शुल्क भरावे लागतील. तर SC / ST आणि EWS / PH श्रेणीतील उमेदवारांसाठी शुल्क रु. 450 आहे. उमेदवारांनी नोंद घ्यावी की ऑनलाइन अर्ज नोंदणी आणि अर्ज प्रक्रिया शुल्काचे ऑनलाइन पेमेंट स्वीकारले जाईल. डिमांड ड्राफ्ट, चेक, मनी ऑर्डर, पोस्टल ऑर्डर, पे ऑर्डर, बॅंकर्स चेक, पोस्टल स्टॅम्प आदी नोंदणी आणि अर्ज प्रक्रिया शुल्कासाठी स्वीकारले जाणार नाहीत. अर्ज करण्यासाठी उमेदवार अधिकृत वेबसाइटवर उपलब्ध अधिसूचना तपासू शकतात. वेगवेगळ्या पदांसाठी उमेदवारांची पात्रता वेगवेगळ्या आहेत.

तसेच हे नोंद घ्यावे की, अर्ज भरताना उमेदवारांनी स्कॅन केलेली कागदपत्रे जसे की फोटो, स्वाक्षरी, जन्म प्रमाणपत्र, जात प्रमाणपत्र आणि इतर कागदपत्रे अपलोड करणे आवश्‍यक आहे. उमेदवारांनी आधी पैसे भरावेत आणि शेवटच्या तारखेची वाट पाहू नये, असा सल्ला दिला जातो. त्याच वेळी, या भरती प्रक्रियेशी संबंधित अधिक माहितीसाठी, उमेदवार अधिकृत वेबसाइटला भेट देऊ शकतात.