जर तुम्ही बॅंकेत नोकरीच्या (Jobs) शोधात असाल तर तुमच्यासाठी ही एक उत्तम संधी आहे. साउथ इंडियन बॅंक लिमिटेडने (South Indian Bank Limited - SIB) PO आणि लिपिक पदांसाठी अर्ज मागविले आहेत. या अंतर्गत स्केल संवर्ग 1 मध्ये प्रोबेशनरी ऑफिसर (Probationary Officer) आणि प्रोबेशनरी क्‍लर्क (Probationary Clerk) या पदांसाठी भरती (Recruitment) केली जाणार आहे. फ्रेशर्स आणि अनुभवी दोन्ही उमेदवार या पदांसाठी अर्ज करू शकतात. अर्ज करण्यासाठी उमेदवारांना बॅंकेच्या अधिकृत वेबसाइट southindianbank.com ला भेट देऊन ऑनलाइन अर्ज करावा लागेल. उमेदवारांनी लक्षात ठेवावे की, त्यांनी त्यांचा अर्ज एका आठवड्याच्या आत म्हणजे 11 जानेवारी किंवा त्यापूर्वी सबमिट केला पाहिजे. शेवटच्या तारखेनंतर कोणतेही फॉर्म स्वीकारले जाणार नाहीत. (Recruitment of Probationary Officer and Clerk in South Indian Bank Limited)

बॅंकेने जारी केलेल्या माहितीनुसार, पीओ फ्रेशर आणि क्‍लर्क फ्रेशर पदासाठी अर्ज करणाऱ्या उमेदवारांचे वय 26 वर्षे असावे. तर PO अनुभवी आणि लिपिक अनुभवी अर्जदारांचे वय 28 वर्षे असावे. मात्र, राखीव प्रवर्गातील उमेदवारांना शासनाच्या नियमानुसार सवलत दिली जाईल. साउथ इंडियन बॅंक लिमिटेडने जारी केलेल्या अधिसूचनेनुसार विविध पदांसाठी अर्ज करणाऱ्या सामान्य उमेदवारांना 800 रुपये शुल्क भरावे लागेल. दुसरीकडे, एससी आणि एसटी प्रवर्गातील उमेदवारांना 200 रुपये शुल्क भरावे लागेल. उमेदवारांनी नोंद घ्यावी, की फी फक्त ऑनलाइन पद्धतीनेच स्वीकारली जाईल.

अशी होईल निवड

बॅंकेने जारी केलेल्या माहितीनुसार, पीओ फ्रेशर आणि अनुभवी लिपिक पदासाठी अर्ज करणाऱ्या उमेदवारांची लेखी चाचणी आणि मुलाखतीच्या आधारे निवड केली जाईल. या भरती प्रक्रियेशी संबंधित अधिक माहितीसाठी उमेदवारांनी अधिकृत वेबसाइटला भेट द्यावी.