सोलापूर : भारत इलेक्‍ट्रॉनिक्‍स लिमिटेड (Bharat Electronics Limited - BEL) ने अप्रेंटिस पदाच्या भरतीसाठी (Recruitment) अर्ज मागविले आहेत. या भरती प्रक्रियेद्वारे BEL एकूण 73 पदांची भरती करणार आहे. इच्छुक आणि पात्र उमेदवार अधिकृत पोर्टल boat-srp.com ला भेट देऊन या पदासाठी ऑनलाइन अर्ज करू शकतात. या पदांसाठी अर्ज करण्याची अंतिम तारीख 10 नोव्हेंबर आहे. शेवटच्या तारखेनंतर कोणताही अर्ज स्वीकारला जाणार नाही, याची उमेदवारांनी नोंद घ्यावी. अर्ज करण्यापूर्वी अर्जाचा फॉर्म पूर्णपणे वाचावा, कारण अर्जामध्ये काही तफावत आढळल्यास अर्ज नाकारला जाईल.

या तारखा लक्षात ठेवा

• 25 ऑक्‍टोबर 2021 रोजी शिकाऊ पदांसाठी ऑनलाइन अर्ज प्रक्रियेला सुरवात

• शिकाऊ पदांसाठी NATS पोर्टलवर नावनोंदणी करण्याची अंतिम तारीख 10 नोव्हेंबर 2021

• 30 नोव्हेंबर 2021 रोजी निवडलेल्या यादीची घोषणा

रिक्त जागांचा तपशील

• ग्रॅज्युएट अप्रेंटिस : 63

• इलेक्‍ट्रॉनिक्‍स आणि कम्युनिकेशन इंजिनिअर : 28

• मेकॅनिकल इंजिनिअर : 25

• इलेक्‍ट्रिकल अँड इलेक्‍ट्रॉनिक्‍स इंजिनिअर : 05

• कॉम्प्युटर सायन्स इंजिनिअर : 03

• सिव्हिल इंजिनिअर : 02

• डिप्लोमा अप्रेंटिस

• इलेक्‍ट्रॉनिक्‍स अँड कम्युनिकेशन इंजिनिअर : 05

• मेकॅनिकल इंजिनिअर : 05

डिप्लोमा अप्रेंटिस आणि ग्रॅज्युएट अप्रेंटिसच्या पदांसाठी अर्ज करण्यापूर्वी शैक्षणिक पात्रता तपासली पाहिजे. उमेदवार भारत इलेक्‍ट्रॉनिक्‍स लिमिटेडने जारी केलेल्या अधिकृत वेबसाइटवर अधिसूचना तपासू शकतात. अर्जदारांची शॉर्टलिस्टिंग संबंधित विषयांना लागू असलेल्या मूलभूत विहित पात्रतेमध्ये मिळालेल्या गुणांच्या टक्केवारीच्या आधारे केली जाईल. शॉर्टलिस्ट केलेल्या उमेदवारांना त्यांच्या नोंदणीकृत ई-मेल आयडीद्वारे सूचित केले जाईल. शॉर्टलिस्ट केलेल्या उमेदवारांना चेन्नई येथे प्रमाणपत्र पडताळणीसाठी हजर राहावे लागेल. त्याच वेळी, या भरतीशी संबंधित अधिक माहितीसाठी अर्जदारांना अधिकृत वेबसाइटला भेट द्यावी लागेल.