नवी दिल्ली : डिसेंबर २०२० आणि जून २०२१ ची UGC NET परीक्षेचा निकाल येत्या दोन दिवसांत जाहीर होणार आहे. युजीसीनं एका पत्रकाद्वारे बुधवारी याची घोषणा केली. (results for UGC NET December 2020 June 2021 exams will be declared in two days)

युजीसीनं यासंदर्भात काढलेल्या पत्रकात म्हटलं, "कोविडच्या प्रादुर्भावामुळं UGC-NET डिसेंबर २०२० परीक्षा पुढे ढकलण्यात आली होती. त्यानंतर नॅशनल टेस्टिंग एजन्सीनं (NTA) डिसेंबर २०२० आणि जून २०२१ मधील परीक्षा एकत्रितपणे अनुक्रमे २० नोव्हेंबर २०२१ आणि ५ जानेवारी २०२२ रोजी या परीक्षा घेतल्या. देशभरातील २३९ शहरांमध्ये ८३७ केंद्रांवर ८१ विषयांची परीक्षा पार पडली होती. या परीक्षेला १२ लाखांहून अधिक उमेदवारांनी नोंदणी केली होती.

दरम्यान, युजीसीचे चेअरमन प्रा. एम. जगदेश कुमार यांनी सांगितलं की, "एनटीएच्या सहकार्यानं युजीसीकडून निकाल लावण्याची प्रक्रिया सुरु असून येत्या एक ते दोन दिवसांत हा निकाल जाहीर होईल" त्याचबरोबर त्यांनी उमेदवारांना शुभेच्छाही दिल्या आहेत.