पुणे : महाराष्ट्र राज्य परीक्षा परिषदेमार्फत राज्यातील विद्यार्थ्यांसाठी घेण्यात येणारी ‘राष्ट्रीय इंडियन मिलिटरी कॉलेज, डेहराडून (उत्तराखंड) प्रवेश पात्रता परीक्षा’ (आरआयएमसी) आता आठ जून २०२४ रोजी घेण्यात येणार आहे. डेहराडून येथील राष्ट्रीय इंडियन मिलिटरी कॉलेजमध्ये इयत्ता आठवीसाठी ही प्रवेश पात्रता परीक्षा आहे. आधी १ जून ही तारीख देण्यात आली होती.

एक जून रोजी देशातील आठ राज्यांमध्ये लोकसभा निवडणुकीचे मतदान होणार आहे. त्यामुळे ही परीक्षा आठ जून रोजी घेण्यात येईल, अशी सूचना राष्ट्रीय इंडियन मिलिटरी कॉलेजचे (आरआयएमसी) कमांडंट यांनी दिली आहे. याबाबत अधिक माहितीसाठी www.rimc.gov.in या संकेतस्थळाला भेट देण्याचे आवाहन राज्य परीक्षा परिषदेच्या आयुक्त अनुराधा ओक यांनी केले आहे.

विषयनिहाय वेळापत्रक :

गणित (वेळ : सकाळी ९.३० ते ११, गुण : २००), सामान्यज्ञान (दुपारी १२ ते १, गुण : ७५), इंग्रजी : (दुपारी २.३० ते ४.३०, गुण : १२५)