मुंबई : बालकांना मोफत आणि सक्तीच्या शिक्षण अधिकार कायद्यानुसार राज्यातील खाजगी शाळांमध्ये असलेल्या २५ टक्के आरटीईच्या राखीव जागांवरील प्रवेशासाठीची नोंदणी प्रक्रिया बुधवारी १ मार्चपासून सुरू केली जाणार आहे. यासाठीची माहिती प्राथमिक शिक्षण संचालनालयाकडून देण्यात आली.
राज्यातील खाजगी व्यवस्थापनाच्या शाळांमध्ये 25 टक्के राखीव जागा ठेवून त्यावर आरटीईचे प्रवेश केले जातात. त्यामध्ये मागास, आर्थिक दुर्बल आणि अल्पसंख्यांक समाजातील घटकांना प्रवेश दिले जातात.
या प्रवेशासाठी शालेय शिक्षण विभागाकडून मागील काही दिवसात राज्यातील शाळांची नोंदणी पूर्ण केली आहे. त्या नोंदणीनुसार यंदा राज्यात ८ हजार १३० शाळांची नोंदणी पूर्ण झाली असून या शाळांमध्ये तब्बल एक लाखाहून अधिक आरटीई च्या जागा उपलब्ध आहेत.
या जागांवर प्रवेश करण्यासाठी प्राथमिक शिक्षण संचालनांकडून बुधवारपासून प्रवेश प्रक्रिया सुरू केली जाणार आहे. या प्रवेश प्रक्रियेची जिल्हा व शाळा निहाय माहिती संचालनालयाच्या https://student.maharashtra.gov.in/adm_portal/Users/rteindex/language:jpn या संकेतस्थळावर उपलब्ध करून दिली जाणार असल्याचे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.